გრიგოლ ინაშვილი

დაბადების ადგილი: ქ. თბილისი.

დაამთავრა თბილისის რკინიგზის სასწავლებელი, ვანო სარაჯიშვილის სახელობის თბილისის სახელმწიფო კონსერვატორია 1924 წელს(ვოკალური).

მუშაობდა ზეინკლად ამიერკავკასიის რკინიგზის მთავარ სახელოსნოში; 1913 წლიდან მონაწილეობდა ნაძალადევის სცენისმოყვარულთა დრამატული წრის სპექტაკლებში. პარალელურად, კარგი ხმის წყალობით, იყო ხალხური სიმღერის გუნდის სოლისტი, მოგვიანებით მიიწვიეს ოპერეტის დასში; 1918 წელს შევიდა ვ. რიადნოვის საოპერო სტუდიაში; 1920-1948წწ. იყო ზ. ფალიაშვილის სახელობის თბილისის ოპერისა და ბალეტის თეატრის სოლისტი; 1941-1945წწ. ომის წლებში ხელმძღვანელობდა თბილისის სახელმწიფო ფილარმონიას; 1953 წლიდან თბილისის სახელმწიფო ცირკის დირექტორი, მისი თაოსნობით შეიქმნა ქართული საცირკო კოლექტივი; ქართული რეპერტუარი: ბარიტონის ყველა წამყვანი პარტია (54), მათ შორის: მურმანი, კიაზო, ინკუბუსი (ზ. ფალიაშვილი "აბესალომ და ეთერი", "დაისი", "ლატავრა"), ლევანი (ვ. დოლიძე "ქეთო და კოტე"), გოჩა (მ. ბალანჩივაძე "დარეჯან-ცბიერი"), აბდულ-არაბი(დ. არაყიშვილი "თქმულება შოთა რუსთაველზე"); სხვა რეპერტუარი: ამონასრო, დი ლუნა, ჟერმონი (ვერდი "ტრუბადური", "აიდა", "ტრავიატა"), ალბერტი (მასნე "ვერთერი"), სენ-ბრი (მეიერბერი "ჰუგენოტები"), მარსელი (პუჩინი "ბოჰემა"), ონეგინი, ელეცკი (ჩაიკოვსკი "ევგენი ონეგინი", "პიკის ქალი"), რანგონი (მუსორგსკი "ბორის გოდუნოვი"); საოპერო მომღერალი, ბარიტონი; ცნობილი მომღერლების, ს. ინაშვილისა და ა. ინოველის ძმა.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 222

• საქართველოს სახალხო არტისტი