ნიკოლოზ ბერძენოვი

დაბადების ადგილი: სოფელი არდონი, ჩრდილოეთ ოსეთი.

XIX საუკუნის 50-60-იან წლებში აქტიურად თანამშრომლობდა გაზეთ "კავკაზში", იყო ამ გაზეთის რედაქტორი. მას ეკუთვნის დიდი ნაწილი რუსულ ენაზე გამოცემული წიგნისა–"თბილისი ისტორიული და ეთნოგრაფიული თვალსაზრისით"(1870) და გამოკვლევა რუსულ ენაზე "სულხან-საბა ორბელიანის მოგზაურობა ევროპაში"(1869), აგრეთვე ეთნოგრაფიული ნარკვევები საქართველოსა და ჩრდილოეთ ოსეთზე. 1864-1874წწ. იგი კავკასიის არქეოგრაფიული კომისიის წევრი იყო და მონაწილეობდა ამ კომისიის "აქტების" შედგენაში. მნიშვნელოვანია 1857-1859წწ. გაზეთ "კავკაზში" გამოქვეყნებული მისი ლიტერატურული-კრიტიკული წერილები. ნ. ბერძნიშვილი იყო ქართული რეალისტური სალიტერატური კრიტიკის ერთ-ერთი პირველი წარმომადგენელი. 

წყარო: თბილისი – ენციკლოპედია. – თბ., 2002 – გვ.343; ქართული საბჭოთა ენციკლოპედია:ტ.2.-თბ.,1977.-გვ.337; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.129

• სიტყვა დასაფლავებასა ზედა ღენერალ фელდმარშალისა, უგანათლებულესისა თავადისა მიხაილ სვიმონის ძის ვორონცოვისა : თქმული ოდესისა საკათედროსა ტაძარსა შინა სინოდის წევრისა მიერ, მაღალ-ყოვლად-უსამღვდელოესისა ინნოკენტი არხიეპისკოპოსისა ხერსონისა და ტავრიდისა, 10 ნოემბერსა 1856 წელსა (მთარგმნელი). - ტფილისი, ხელმწიფე იმპერატორის ნამესტნიკის კანცელარიის სტ., 1858. - 31გვ.