ნიკოლოზ კაპანაძე

დაბადების ადგილი: ქ. ხაშური.

დაამთავრა თბილისის პოლიტექნიკური ინსტიტუტი 1959 წელს (სამშენებლო), ვ. სარაჯიშვილის სახელობის თბილისის სახელმწიფო კონსერვატორია 1965 წელს (ვოკალური).

1966-1978წწ. იყო თბილისის ოპერისა და ბალეტის თეატრის სოლისტი-სტაჟიორი, 1968 წლიდან სოლისტი (ბარიტონი); საქართველოს ფილარმონიის ვაჟთა ვოკალური კვარტეტის წევრი; ქართული რეპერტუარი: მსახურთუხუცესი (ზ. ფალიაშვილი "აბესალომ და ეთერი"), მჭედელი (ა. ბუკია "სამი მჭედელი", საკონცერტო შესრულება 1970 წელს), პოეტი, მაცნე(ო. თაქთაქიშვილი "სამი ნოველა", "მინდია"), ბუღალტერი (ა. ბალანჩივაძე "ოქროს ქორწილი"), მგელი (მამისაშვილი "ბაქია-ბაჭია"), ინდაური, ხის მჭრელი" (ნ. გოკიელი "წითელქუდა"); კანტატა-ორატორია: ი. გეჯაძე ორატორია "მარადისობა" (პირველი შესრულება 1983 წელს), ა. ჩიმაკაძე "ვოკალურ-ინსტრუმენტული ანსამბლი "ფიროსმანის სიმღერა"; სხვა რეპერტუარი: ბარტოლო, ფიორელო(როსინი "სევილიელი დალაქი"), პორგი(ჯ. გერშვინი "პორგი და ბესი"), ბარონი, მარულო, ჩეპრანო (ვერდი "ტრავიატა", "რიგოლეტო"), ჰენრიხი (ვაგნერი "ლოენგრინი"), დანკაირო (ბიზე "კარმენი"), იამადორი, ანჟელოტი (პუჩინი "ჩიო-ჩიო-სანი", "ტოსკა"), შაკლოვიტი, მიტიუხ (მუსორგსკი "ბორის გოდუნოვი"), ბანდურისტი (პროკოფიევი "სემიონ კოტკო"); გასტროლები: აშშ (1974, 1985), ჩეხოსლოვაკია (1978) ვოკალურ კვარტეტთან ერთად.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 238