ზაურ გომართელი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის განყოფილება 1960 წელს; საკავშირო რადიოსა და ტელევიზიის მუშაკთა კვალიფიკაციის ასამაღლებელი კურსები 1979 წელს.

1977-1980წწ. მუშაობდა საქტელერადიოკომიტეტის სპორტულ გადაცემათა რედაქციაში კორესპონდენტად, ტელევიზიის ახალგაზრდული გადაცემების პროგრამების რედაქტორად; 1981-1985წწ. გაზეთ "ახალგაზრდა კომუნისტის" სპორტული განყოფილების კორესპონდენტად; 1985-1989წწ. გაზეთ "მებრძოლი გუშაგის" განყოფილების გამგედ; 1987–1992წწ. იყო ჟურნალისტთა კავშირის პირველი მდივანი; 1990-1992წწ. გაზეთ "საქართველოს რესპუბლიკის" განყოფილების გამგე; 1992-1993წწ. საქართველოს ფეხბურთის ფედერაციის პრესატაშედ; 1993–1997წწ. საქართველოს ბეჭდვითი სიტყვის სახელმწიფო კომიტეტის თავმჯდომატის პირველი მოადგილე; 1997–1999წწ. "აგროინფორმის" გენერალური დირექტორი; თანამშრომლობდა ჟურნალ-გაზეთებში: "ლელო", "თბილისი", "მართვე" და სხვა; ხელმძღვანელობდა გამომცემლობა "გეორგიას". ჟურნალისტ თამარ გომართელის შვილი.

წყარო: თბილისი – ენციკლოპედია. – თბ., 2002 – გვ.393; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.84; ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.213

• საქართველოს ჟურნალისტთა ფედერაცია, წევრი (1970-)

• 2000 - ღირსების ორდენი
• საქართველოს დამსახურებული ჟურნალისტი

• მხოლოდ სიკეთე : მოთხრობები, მინიატურები (ავტორი). - თბილისი, 2006. - 96გვ.. - ISBN: 9994072862