ელგუჯა ბუბუტეიშვილი

დაამთავრა საქართველოს პოლიტექნიკური ინსტიტუტის ქიმიური ფაკულტეტი 1972 წელს.

1989–1991წწ. იყო მრავალდარგობრივი ფირმა "ოქროს საწმისის" პრეზიდენტი; 1992 წელს - საქართველოს არქიტექტურისა და მშენებლობის სამინისტროს ტრესტის "საქკომუნრემმშენის" ტრესტის მმართველი; 1992–1995წწ. საწარმოო გაერთიანების "თბილთამბაქოს" გენერალური დირექტორი; 1995 წლიდან შპს "ბემბის" გენერალური დირექტორი, ხოლო ამავე წლიდან "ბემბის" სამართალმემკვიდრის - შპს "დავით სარაჯიშვილი და კომპანიის" პრეზიდენტი. 1996 წელს ბუბუტეიშვილმა გამორჩეული ქართველი სტუდენტებისათვის დააწესა დავით სარაჯიშვილის სახელობის სტიპენდია; 1997–1999წწ. დასახელებული იყო საქართველოს ათ საუკეთესო ბიზნესმენს შორის.  ელგუჯა ბუბუტეიშვილი არის 30–იან წლებში ჭიათურის შავი ქვის ცნობილი მრეწველის ნესტორ ბუბუტეიშვილის (რეპრესირებულია 1937) მემკვიდრე.

წყარო: თბილისი – ენციკლოპედია. – თბ., 2002 – გვ.411