ალექსანდრე ვაჩეიშვილი

დაამთავრა ოდესის უნივერსიტეტის იურიდიული ფაკულტეტი 1912 წელს.

1915 წლიდან პედაგოგიურ მოღვაწეობას ეწეოდა ოდესის კერძო გიმნაზიაში; 1921 წელს ოდესის სახალხო განათლების ინსტიტუტში ჩააბარა სამაგისტრო გამოცდები და აირჩიეს ლექტორად, მაგრამ აქ დიდხანს არ დარჩენილა - 1922 წელს ივანე ჯავახიშვილის მოწვევით ჩამოდის სამშობლოში და აქტიურად მონაწილეობს თბილისის სახელმწიფოუნივერსიტეტის სოციალურ-ეკონომიკური ფაკულტეტის (ეკონომიკური და იურიდიული განყოფილებების) ჩამოყალიბებაში; 1932 წლიდან სამი ათეული წლის მანძილზე განაგებდა უნივერსიტეტის სისხლის სამართლის კათედრას. ფართო ერუდიცია, მეცნიერული მუშაობის მაღალი კულტურა, უცხო ენების ცოდნა მას საშუალებას აძლევდა შეექმნა ფუნდამენტური გამოკვლევები სამართლის თეორიასა და ისტორიაში; დამუშავებული აქვს შუა საუკუნეების საქართველოს სისხლის სამართლის, ფეოდალური მიწათმფლობელობისა და ფეოდალური სახელმწიფოებრივი წყობილების მნიშვნელოვანი პრობლემები. მის კალამს ეკუთვნის 3 ტომიანი ნარკვევები ქართული სამართლის ისტორიიდან. დიდია მეცნიერის ღვაწლი ქართული იურიდიული ტერმინოლოგიის დადგენა-დამუშავებაში და რუსულიდან ქართულ ენაზე იურიდიული ლიტერატურის თარგმნის საქმეში.

წყარო: თბილისი – ენციკლოპედია. – თბ., 2002 – გვ.467; მამულიშვილთა სავანე.-თბ.,1994.-გვ. 145

• 1946 - საქართველოს მეცნიერებათა დამსახურებული მოღვაწე
• ლენინის ორდენი

• დანაშაულის სუბიექტური მხარე საბჭოთა სისხლის სამართალში (Author). - თფილისი, თბილ. უნ-ტის გამ-ბა, 1957. - 282გვ.
• ნარკვევები ქართული სამართლის ისტორიიდან : 3 ტომად (Author) // ტ. 1. - თბილისი, სტალინის სახ. თბილ. სახელმწ. უნ-ტის გამ-ბა და სტ., 1946. - 220გვ.