თეიმურაზ კობახიძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორიის საფორტეპიანო ფაკულტეტი 1948 წელს; 1962 წელს სადირიჟორო ფაკულტეტი.

1952-1962წწ. იყო ქ. ქუთაისის მ. ბალანჩივაძის სახელობის მუსიკალური სასწავლებლის დირექტორი; 1962-1968წწ. ზ. ფალიაშვილის სახელობის თბილისის ოპერისა და ბალეტის თეატრის დირიჟორი, პარალელურად თბილისის მუსიკალური კომედიის თეატრის მთავარი დირიჟორი; 1968 წლიდან გარდაცვალებამდე ქ. ქუთაისის ოპერისა და ბალეტის თეატრის მთავარი დირიჟორი, 1972-1986წწ. იქვე, სიმფონიური ორკესტრის დირიჟორი; ქართული რეპერტუარი, ოპერები: ზ. ფალიაშვილი "აბესალომ და ეთერი", "დაისი", ვ. დოლიძე "ქეთო და კოტე", ა. ბუკია "დაუპატიჟებელი სტუმრები", ა. კერესელიძე "ბაში-აჩუკი", ო. თაქთაქიშვილი "მინდია", ი. გოკიელი "წითელქუდა", "ბროლის ქოში"; ბალეტები: ს. ცინცაძე "პოემა", ჰერტელი "ბებია და შვილიშვილი", მინკუსი "დონ-კიხოტი", ასაფიევი "ბახჩისარაის შადრევანი", ბიზე-შჩედრინი "კარმენ-სიუიტა"; მუსიკალური კომედიები: გ. ცაბაძე "ჩემი ქუჩა"(1968), "ჩემი შეშლილი ძმა", ა. კერესელიძე "ალუბლები ყვავიან"; სხვა რეპერტუარი: ვერდი "რიგოლეტო, "ტრავიატა", "ტრუბადური", პუჩინი "ჯანი სკიკი", დონიცეტი "ლუჩია დი ლამერმური", ოფენბახი "პერიკოლა", ჩაიკოვსკი "ევგენი ონეგინი", დარგომიჟსკი "ალი", რახმანინოვი "ალეკო", პროკოფიევი "სემიონ კოტკო"; თეიმურაზ კობახიძის სახელი მიენიჭა ქ. ქუთაისის სიმფონიურ ორკესტრს; პიანისტი, საოპერო და სიმფონიური ორკესტრის დირიჟორი. 1986 წელს ქუთაისის სიმფონიურ ორკესტრს მიენიჭა თ. კობახიძის სახელი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 262; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 98

• 1998 - ღირსების ორდენი
  ქართული ხალხური მუსიკალური და ქორეოგრაფიული ხელოვნების განვითარებასა და მის პოპულარიზაციაში
• 1961 - საქართველოს ხელოვნების დამსახურებული მოღვაწე