
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

თამარ თვალიაშვილი

Date of birth:	4 April, 1906
Date of death:	22 December, 1985 (at 79 years)
Category:	Actor/Actress

Biography

დაბადების ადგილი: ქ. თბილისი.

სწავლობდა თბილისის და მოსკოვის თეატრალურ სტუდიებში. დაამთავრა თბილისის კონსერვატორიასთან არსებული დრამატული ფაკულტეტი 1925 წელს. 1926 წელს მუშაობდა თბილისის "წითელი თეატრის", 1927 წელს - ბათუმის, ხოლო 1928–1959 წლებში თბილისის მოზარდ მაყურებელთა ქართული თეატრის მსახიობად. თვალიაშვილი იყო ჩინებული ტრავესტი – (პატარა გოგონებისა და ბიჭების როლების შემსრულებელი). გარდასახვის ნიჭი, უშუალობა და გულწრფელობა ხელს უწყობდა მსახიობს შეექმნა ერთმანეთისაგან განსხვავებული როლები, რომელთა შორის აღსანიშნავია გოჩა (ვ. კობელის ''გოჩა''), ფრიც ბაუერი (ნ. საცის ''ფრიც ბაუერი''), მეღორის შვილიშვილი (ს. ზაიაიცკის ''რობინ ჰუდი''), კარლო (ს. მთვარაძის და შ. ბუაჩიძის ''აურიე რგოლი''), კურდღელი (ე. შვარცის ''წითელქუდა''), აჩაკუნე (გ. ნახუცრიშვილის ''პატარა მეომრები''), ქაჯანა (ნ. ლომოურის ''ქაჯანა''), ზურაბი (დ. ჭონქაძის ''სურამის ციხე''), ჯულიეტა (უ. შექსპირის ''რომეო და ჯულიეტა'') და სხვა. დადგა სპექტაკლი - ნ. ფომიჩევის ''ასე იწყება ცხოვრება''. იგი უმეტესწილად ლირიკულ-დრამატული ამპლუის მსახიობი იყო. ბოლო წლებში ძირითადად ხანდაზმულ ქალთა როლებს ასრულებდა. თვალიაშვილი განსაკუთრებით ძლიერი იყო კლასიკურ რეპერტუარში. თბილისის მოზარდ მაყურებელთა ქართული თეატრის ერთ-ერთი ფუძემდებელი.

წყარო: თბილისი – ენციკლოპედია. – თბ., 2002 – გვ.545; ეროვნული ფილმოგრაფიის პორტალი: geocinema.ge; kino-teatr.ru; საქართველო: ენციკლოპედია: ტ. IV. -თბ., 2018. -გვ.57

Awards and Honors

1976 - საქართველოს სახალხო არტისტი
1941 - საქართველოს დამსახურებული არტისტი