
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ალექსანდრე ჯავახიშვილი

Other name:	ლალი
Date of birth:	31 August, 1917
Date of death:	24 October, 1997 (at 80 years)
Category:	Archaeologist, Scientist, Art historian

Biography

დაბადების ადგილი: სოფელი ხოვლე, კასპის რაიონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1939 წელს; ასპირანტურა (1940-1943).

1942 წლიდან ვარძიის ისტორიულ-არქიტექტურული მუზეუმ-ნაკრძალის მეცნიერ-თანამშრომელი; 1943 წლიდან ს. ჯანაშიას სახელობის საქართველოს სახელმწიფო მუზეუმის უმცროსი მეცნიერ-თანამშრომელი; 1944-1948წწ. ამავე მუზეუმის სწავლული მცველი; 1948-1952წწ. სწავლული მდივანი; 1952-1954წწ. ისტორია-არქეოლოგიის განყოფილების გამგე; 1954-1956წწ. უფროსი მეცნიერ-თანამშრომელი; 1956-1973წწ. ფეოდალურამდელი ხანის საქართველოს მატერიალური კულტურის ისტორიის განყოფილების ხელმძღვანელი; 1973 წლიდან დირექტორის მოადგილე სამეცნიერო ნაწილში. ძირითადად იკვლევდა საქართველოსა და კავკასიის ადრესამიწათმოქმედო კულტურებს, განსაკუთრებით, მტკვარ-არაქსიის კულტურას. მისი მონაწილეობით გათხარეს ქვაცხელებისა და ხიზანაანთ გორის ადრინდელი ბრინჯაოს ხანის სამაროვანი (1954-1964), შულავრის, იმირისა და ხრამის დიდი გორის ადრინდელი სამიწათმოქმედო ხანის ნამოსახლარები (1965-1971), ბერიკლდეების ნამოსახლარი (1979-1983). ავტორია ს. ჯანაშიას სახელობის საქართველოს სახელმწიფო მუზეუმის არქეოლოგიური გამოფენისა (1960), რამაც სამუზეუმო ექსპოზიციის დარგში ახალი ეტაპი შექმნა. 1995-1997წწ. საქართველოს მე-4 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: პარტიული სიით, უფლებამოსილება შეუწყდა გარდაცვალების გამო. ისტორიის მეცნიერებათა დოქტორი (1976). დიდი ქართველი მეცნიერის, ივანე ჯავახიშვილის შვილი.

წყარო: ქართული საბჭოთა ენციკლოპედია, ტ. 11, თბ., 1987, გვ. 525; საქართველოს პარლამენტის ვებ-გვერდი: parliament.ge; matsne.gov.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.616; ალექსანდრე (ლალი) ჯავახიშვილი / ზ. ჟვანია / ნ.ლეკიშვილი // საქართველოს რესპუბლიკა . - თბილისი, 1997. - 25 ოქტომბერი. - N265 (2638). -გვ.10

Member of Organizations

საქართველოს მე-4 მოწვევის პარლამენტი, წევრი (1995-1997)
საქართველოს მე-4 მოწვევის პარლამენტის განათლების, მეცნიერებისა და კულტურის კომიტეტი, წევრი (1995-1997)
საქართველოს მე-4 მოწვევის პარლამენტის ფრაქცია "მოქალაქეთა კავშირი", წევრი (1995-1997)
საქართველოს მეცნიერებათა აკადემია, წევრ-კორესპონდენტი (1983-)
საქართველოს რესპუბლიკის სახელმწიფო საბჭო, წევრი (1992-)

Awards and Honors

1997 - ღირსების ორდენი

Bibliography

უძველესი მიწათმოქმედი მოსახლეობის კულტურა საქართველოს ტერიტორიაზე (Author). - თბილისი, საბჭ. საქართველო, 1971. - 115გვ.