გიორგი II დადიანი

ოდიშის (სამეგრელო) ერისთავი 1345-1384წწ.; ჰქონდა მანდატურთუხუცესის ტიტული; გიორგი II დადიანს, ოდიშის საერისთავოს გარდა, ემორჩილებოდა გურიის საერისთავო და სვანეთის საერისთავოს ერთი ნაწილი(ბალს ქვემო სვანეთი); მისი ვაჟით კახაბერით დაიწყო გურიის საერისთავოს ბოლო დინასტია; გიორგი II დადიანს დიდი ღვაწლი მიუძღვის ბედიის მონასტრის კომპლექსის განახლებაში; მისი ფრესკა მეუღლესთან, დედოფალ მარეხთან ერთად, გამოსახულია ამ ტაძრის ჩრდილოეთ კედელზე; დიდი ღვაწლი დასდო ასევე იერუსალიმის ჯვრის მონასტერს.

წყარო: საქართველო: ენციკლოპედია: ტ.2. - თბ., 2012. - გვ.27