| Login |
 |
 |
 English  Georgian |
| HomeCategories |
|
Search The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it. The dictionary is supported by the National Library of Georgia. The project aims at publishing the biographies of outstanding Georgians. We hope that whole Georgia will be involved in filling this unique dictionary. |
ლევან ინწკირველი
Biographyდაამთავრა თბილისის სახელმწიფო უნივერსიტეტი 1952 წელს. დაბადების ადგილი: ქ. ქუთაისი. კალათბურთის თამაში 1944 წელს თბილისში, "ნორჩი დინამოელის" გუნდში დაიწყო, სადაც მისი პირველი მწვრთნელი ე. ელენსკი გახლდათ. 3 წელიწადში ის "დინამოში" გადავიდა და 18 წლის მანძილზე (1964 წლამდე) იცავდა საუკეთესო ქართული გუნდის ღირსებას. ამ ხნის განმავლობაში ლევან ინწკირველმა მრავალი მედალი თუ ჯილდო მიიღო. იგი სამჯერ (1950, 1953, 1954) გახდა საბჭოთა კავშირის ჩემპიონი, ვერცხლის მედალსაც სამჯერ – 1959, 1960 და 1961 წლებში დაეუფლა, ხოლო ბრინჯაოს პრიზიორი ორჯერ გახდა – 1948, 1952 წწ.; ლევან ინწკირველმა საბჭოთა კავშირის თასი 1949, 1950 და 1951 წლებში მოიგო. ამას გარდა, იგი არის უამრავი შიდასაკავშირო ტიტულისა თუ პრიზის მფლობელი. 1963 წლიდან ინწკირველმა მწვრთნელობას მოჰკიდა ხელი; თავიდან "დინამოს" მოთამაშე-მწვრთნელი გახლდათ, პარალელურად კი "ნორჩ დინამოელს" წვრთნიდა; 1968-1970წწ. ის თბილისის "დინამოს" თავკაცობდა და პირველსავე წელს, გუნდს საბჭოთა კავშირის ჩემპიონობა მოაპოვებინა, ხოლო 1969-ში საკავშირო თასსაც დაეუფლა; ამავე წელს "დინამო" ევროპის ქვეყნების თასების მფლობელთა თასზე გაიყვანა და ფინალამდეც მივიდა. 1970 წელს მისმა გაწვრთნილმა "ნორჩმა დინამოელმა" საბჭოთა კავშირის ჩემპიონობა მოიპოვა. წყარო: თბილისი – ენციკლოპედია. – თბ., 2002 – გვ.564; საქართველო: ენციკლოპედია: ტ. IV. -თბ., 2018. -გვ.306; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.101 Awards and Honors
|
Suggest a Biography| Biographical Dictionary. version 1.2.2.R1 Copyright © 2010-2012 by David A. Mchedlishvili |