გენადი ჩიქვინიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

1967–1969წწ. იყო ტრესტ "ორგტექმშენის" ექსპერიმენტული მშენებლობის სამმართველოს უფროსი; 1969–1973წწ. თბილისის საქალაქო საბჭოს აღმასკომის საბინაო და სააგარაკო კოოპერატიული მშენებლობის სამმართველოს მთავარი ინჟინერი; 1973–1987წწ. ამავე აღმასკომის კაპიტალური მშენებლობის სამმართველოს მთავარი ინჟინერი, უფროსი. 1987–1992წწ. საქართველოს მინისტრთა საბჭოს კაპიტალური მშენებლობის მთავარი სამმართველოს განყოფილების, 1992– დან გაერთიანება "კაპმშენის" უფროსი, 1993 წლიდან გენერალური დირექტორი. მიღებული აქვს სახელმწიფო ჯილდოები, მათ შორის: საქართველოს სსრ უმაღლესი საბჭოს საპატიო სიგელი, სსრკ მინისტრთა საბჭოს სახელმწიფო პრემია (1981) - თბილისში, სანაპიროზე საცურაო აუზის მშენებლობისთვის.

წყარო: თბილისი – ენციკლოპედია. – თბ., 2002 – გვ.585; საქართველოს არქიტექტორთა და მშენებელთა ენციკლოპედია. - თბ., 2017.-გვ.638-639; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.268

• 1999 - ღირსების ორდენი
  1988 წელს სომხეთის რესპუბლიკაში მომხდარი მიწისძვრის შედეგების ლიკვიდაციისას გამოჩენილი მაღალი პროფესიონალიზმისათვის, ტაშირის რაიონში საცხოვრებელი კომპლექსისა და მისი სოციალური ინფრასტრუქტურის ობიექტების მშენებლობაში შეტანილი პირადი წვლილისათვის
• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საპატიო ნიშნის ორდენი