გიორგი ერისთავი

დაბადების ადგილი: ქ. თბილისი.

დაამთავრა თბილისის კადეტთა კორპუსი, შემდეგ პაჟთა კორპუსი.

მსახურობდა ლაიბგვარდიის ულანთა პოლკში. 1914 წლიდან პოლკოვნიკის ჩინით მეთაურობდა ამ პოლკს. მინიჭებული ჰქონდა ფლიგელ-ადიუტანტის წოდება. 1917 წლიდან თადარიგში გავიდა. ცხოვრობდა თბილისში. 1918-1921წწ. გენერლის ჩინით მეთაურობდა ქართული არმიის ცხენოსანთა კორპუსს. ქართულ არმიასთან ერთად დაიხია ბათუმამდე, შემდეგ ემიგრაციაში წავიდა საფრანგეთში. ქსნის ერისთავთა საგვარულოს წარმომადგენელი. გენერლების-ნ.ბ. ერისთავის ძე და ა.ნ. ერისთავის ძმა. მერი შერვაშიძის მეუღლე. საქართველოს დემოკრატიული რესპუბლიკის გენერალი (1918). 

წყარო: საქართველო: ენციკლოპედია: ტ.III.–თბ., 2014.–გვ.56

• იტალიის წმინდა მავრიკის და ლაზარეს ორდენის კომანდორის ჯვარი
• საფრანგეთის საპატიო ლეგიონის ორდენის კომანდორის ჯვარი
• წმინდა ვლადიმირის ორდენი (სხვადასხვა ხარისხის)