შანშე ერისთავი

ქსნის ერისთავთა საგვარეულოდან; დ. შ. ერისთავისა და ე. შ. ერისთავის მამა; იყო გიორგი XII-ის ეშიკაღსბაში. 1800 წლიდან მსახურობდა დიდი შულავერის მოურავად. 1803 წლიდან ბორჩალოს მაზრის თავად-აზნაურთა წინამძღოლი იყო. 1811 წელს პირადად შეაიარაღა 200 კაცი და მოქმედებდა რუსებთან ერთად ლეკების წინააღმდეგ. ორჯერ აირჩიეს თბილისის მაზრის თავად-აზნაურთა წინამძღოლად. ერთგული სამსახურისთვის რუსეთის იმპერატორმა პავლე I-მა დააჯილდოვა ბრილიანტებით მოჭედილი ოქროს საათით და სათუთუნეთი, ალექსანდრე I-მა კი - ოქროს ხმლით და წმინდა ანას II ხარისხის ორდენით, ოქროს ხმალი, მამაცობისათვის. რუსეთის იმპერიის პოლკოვნიკი. 

წყარო: საქართველო: ენციკლოპედია: ტ.III.–თბ., 2014.–გვ.64

• წმინდა ანას II ხარისხის ორდენი