ნანა ლორია

დაბადების ადგილი: ქ. ბათუმი.

დაამთავრა თბილისის III მუსიკალური სასწავლებელი 1968 წელს(თეორიული განყოფილება), ვანო სარაჯიშვილის სახელობის თბილისის სახელმწიფო კონსერვატორია 1972 წელს(მუსიკის ისტორია).

სწავლობდა ლენინგრადის კინოს, თეატრისა და მუსიკის სამეცნიერო ინსტიტუტის ასპირანტურაში; სხვადასხვა დროს მუშაობდა საქართველოს ტელევიზიის მუსიკალურ გადაცემათა რედაქციაში, თბილისის სახელმწიფო უნივერსიტეტის ხელოვნების ფაკულტეტზე, თბილისის თეატრალური ინსტიტუტის ქორეოგრაფიულ ფაკულტეტზე, სიმფონიურ ორკესტრში; 1982 წლიდან იყო ვ. სარაჯიშვილის სახელობის თბილისის სახელმწიფო კონსერვატორიის პედაგოგი(დასავლეთ ევროპის მუსიკის ისტორია, სსრკ ხალხთა მუსიკის ისტორია, რუსული მუსიკის ისტორია, მუსიკის კრიტიკა, ბალეტის ისტორია, ბალეტის დრამატურგია); სტაჟირება გაიარა პარიზის კონსერვატორიაში(1994), ასევე, პარიზის სორბონის უნივერსიტეტში მუსიკოლოგიის ფაკულტეტზე(2006); 1997-2014წწ. ვ. სარაჯიშვილის სახელობის თბილისის სახელმწიფო კონსერვატორიის თეორიულ-საკომპოზიტორო მიმართულების დეკანი. ხელოვნებათმცოდნეობის კანდიდატი, 2006 წლიდან ასოცირებული პროფესორი, აკადემიკოსი, დოქტორი.

საკანდიდატო დისერტაციის თემა - "ქართული საბავშვო საოპერო მუსიკის განვითარების ძირითადი ტენდენციები", დაიცვა 1980 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 291

• საქართველოს კომპოზიტორთა კავშირი, წევრი