ოლღა ლეჟავა

დაბადების ადგილი: სოფელი ავჭალა, გარდაბნის რაიონი(ამჟამად ქ. თბილისის გლდანის რაიონი).

სწავლობდა მცხეთის სამთავრო მონასტრის ოთხკლასიან სასწავლებელში.

სასწავლებლის დამთავრების შემდეგ, სოფელ ავჭალის საქალებო სკოლაში ხელსაქმეს ასწავლიდა; 1899 წელს ავჭალაში თბილისის ქართული თეატრის მსახიობების და ადგილობრივი ინტელიგენტი ქალების დახმარებით წარმოდგენა გაიმართა, რომელშიც მიიღო მონაწილეობა; პირველად სცენაზე გამოვიდა  თბილისის სცენისმოყვარეთა წრეში 1899 წლის 5 სექტემბერს მელოდრმაში "პარიზის ღარიბ-ღატაკნი". სცენაზე მცირე ხანს დაჰყო, მაგრამ საინტერესოდ ნათამაშევი როლებით გარკვეული კვალი დატოვა; მუშაობდა ჟურნალ "ნაკადულში" საქმის მწარმოებლად და პარალელურად გამოდიოდა სცენაზე; 1930-1932წწ. სოხუმის თეატრში მსახიობობდა. მისი როლებიდან აღსანიშნავია გაიანე - "ღალატი", კლერხენი - ზუდერმანის "სოდომის დაღუპვა", ელენე - ვ. შალიკაშვილის "უნიადაგონი", ტურფა - ა. წერეთელის "პატარა კახი" და სხვ. 1933-1943წწ. მუშაობდა საქართველოს "სახკინმრეწვში". გადაღებულია ფილმებში: "კოლხეთის ჩირაღდნები"(1940), "უკანასკნელი მასკარადი"(1943), "არსენა", "გიორგი სააკაძე", "ნარინჯის ველი" და სხვ.

წყარო: კოტე ყიფიანი/ე. დავითაია. - თბ., 1975; ქართველი მსახიობი ქალები, - თბ.,1962. - გვ.42-119; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.344-345