დორიან კიტია

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1951 წელს.

1951 წლიდან მუშაობდა პოლიტექნიკური ინსტიტუტის არქიტექტურის კათედრის ასისტენტად, იყო ინსტიტუტის პროფკავშირის კომიტეტის თავმჯდომარე; აქტიურად მონაწილეობდა ინსტიტუტის საესტრადო ორკესტრში, როგორც მომღერალი და მუსიკოსი (უკრავდა გიტარაზე); მისი ინიციატივით ინსტიტუტთან ჩამოყალიბდა ჯაზორკესტრი, სიმფონიური ორკესტრი - პ. ნალბანდიანის, კაპელა - ს. იაშვილის, ქართული დრამატული წრე - მ. თუმანიშვილის, ქართული ცეკვის სტუდენტური ანსამბლი - ბ. დარახველიძის, ვოკალური ჯგუფი - ს. მირიანაშვილის, მინიატურული თეატრი - შ. ჯაველიძის, თ. ჩანტლაძისა და ა. გელოვანის ხელმძღვანელობითა და უშუალო მონაწილეობით; 1957–1959წწ. მუშაობდა საქართველოს ახალგაზრდული ორგანიზაციების კომიტეტის თავმჯდომარედ; 1959–1962წწ. იყო თბილისის მოზარდ მაყურებელთა სახელმწიფო თეატრის, ხოლო 1962–1970წწ. რუსთაველის სახ. სახელმწიფო აკადემიური თეატრის დირექტორი; 1971-1973წწ. საქართველოს სამხატვრო ფონდის დირექტორი; 1974-1975წწ. საქართველოს კომპოზიტორთა კავშირის თავმჯდომარის მოადგილე; 1975–1981წწ. საქართველოს სახელმწიფო ფილარმონიის დირექტორის პირველი მოადგილე; 1981–1989წწ. ფილარმონიის გენერალურ დირექტორი. 1991 წლიდან მუშაობდა თბილისის დიდი საკონცერტო დარბაზის პროგრამების ხელმძღვანელად. სხვადასხვა დროს იყო თბილისში გამართული სახალხო დღესასწაულების "თბილისობის" დამდგმელი რეჟისორი და სცენარების თანაავტორი.

წყარო: თბილისი – ენციკლოპედია. – თბ., 2002 – გვ.599; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.369; 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.78; საქართველო: ენციკლოპედია: ტ.5. -თბ.,2023. -გვ. 69

• 2002 - თბილისის საპატიო მოქალაქე
• 1996 - ღირსების ორდენი
  ქართული კულტურის განვითარებაში შეტანილი პირადი წვლილისა და ნაყოფიერი საზოგადოებრივი მოღვაწეობისათვის
• 1967 - საქართველოს ხელოვნების დამსახურებული მოღვაწე