ვიქტორ ერისთავი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიისა და კვების ტექნოლოგიის ფაკულტეტი 1962 წელს.

ამავე წლიდან მუშაობა დაიწყო ჩაის მრეწველობის მანქანათმშენებლობის პრობლემურ ლაბორატორიაში. 1980 წლიდან იყო ამავე ინსტიტუტის გარემოს დაცვის კათედრის გამგე, 1986 წლიდან  საქართველოს პოლიტექნიკური ინსტიტუტის ატომურ-აბსორბციული სპექტროსკოპიის გამოყენების რესპუბლიკური ცენტრის ხელმძღვანელი. 1978-1979 და 1995 წლებში მივლინებული იყო აშშ-ის უნივერსიტეტებში. იყო საქართველოს ტექნიკური უნივერსიტეტის გარემოს დაცვისა და საინჟინრო ეკოლოგიის კათედრის გამგე. კვლევის ძირითადი მიმართულებაა დალექვითი და კომპლექსწარმოქმნითი ქრომატოგრაფიის თეორია და პრაქტიკული გამოყენება. ავტორია 3 გამოგონების. გამოქვეყნებული აქვს 2 მონოგრაფია. ქიმიის მეცნიერებათა დოქტორი (1974), პროფესორი (1977). გარდაიცვალა სან-ფრანცისკოში.

წყარო: საქართველო: ენციკლოპედია: ტ.III.–თბ., 2014.–გვ.60

• აშშ საერთაშორისო აკადემია, ნამდვილი წევრი (1995-2005)
• საქართველოს ეკოლოგიურ მეცნიერებათა აკადემია, წევრი (1997-2005)

• ნიადაგის დაცვა : დამხმ. სახელმძღვ. (თანაავტორი). - თბილისი, 1983. - 34გვ.
• ატმოსფეროს დაცვა : დამხმ. სახელმძღვ. (თანაავტორი). - თბილისი, 1982. - 64გვ.
• უნარჩენო ტექნოლოგიური პროცესების შექმნის საფუძვლები : დამხმ. სახელმძღვ. (თანაავტორი). - თბილისი, 1982. - 36გვ.
• წყლის რესურსების დაცვა : დამხმ. სახელმძღვ. (თანაავტორი). - თბილისი, 1982. - 81გვ.