კომანდო გოგელია

დაბადების ადგილი: ქ. ოზურგეთი.

დაამთავრა ქუთაისის სასულიერო სემინარია; ლოზანაში (შვეიცარია) აგრონომიული ფაკულტეტი; სწავლობდა ქ. ნანსის აგრონომიულ სასწავლებელში 1897 წლიდან; ჟენევის უმაღლეს სასწავლებელში ისმენდა ლექციების კურსს ქიმიაში.

იყო უცხოეთში დიდი რევოლუიური წრეების მონაწილე და პოპულარობით სარგებლობდა ახალგაზრდებს შორის; თავის მეუღლესთან ერთად, ჟენევაში რედაქტორობდა ანარქისტების პარტიულ ორგანოს "ხლებ ი ვოლიას", რომელშიც აქტიურად თანამშრომლობდნენ ცნობილი ანარქისტები პეტრე კროპოტკინი, ვარლამ ჩერქეზიშვილი და ლუიჯი ბერტონი; რუსეთის პირველი რევოლუციის დროიდან იგი ერთ-ერთი ყველაზე აქტიური ფიგურა იყო ანარქისტებს შორის და აქედან მოყოლებული, თებერვლის რევოლუციამდე რედაქტორობდა სხვადასხვა ჟურნალ-გაზეთებს, მონაწილეობდა მიტინგებსა და დისკუსიებში, კითხულობდა ლექციებს; 1905 წლის რევოლუციის დროს ჩამოვიდა სამშობლოში, სოხუმსა და თბილისში ეწეოდა რევოლუციურ პროპაგანდას, რედაქტორობდა "ნობათს" და "მუშას", მაგრამ მალე მთავრობისაგან დევნილმა ისევ ევროპას შეაფარა თავი; იგი ინგლისში დაუკავშირდა პ. კროპოტკინსა და ვ. ჩერქეზიშვილს, გამოაქვეყნა შრომები, მათ შორის ყველაზე მნიშვნელოვანია - "როგორ და რისგან განვითარდა რევოლუციონერული სინდიკალიზმი?" ( პ. კროპოტკინის წინასიტყვაობით); 1921 წელს მძიმე ავადმყოფი ჩამოვიდა საქართველოში; ცხოვრობდა ჯერ ქუთაისში, შემდეგ ქობულეთში, სიცოცხლე დაასრულა ფსიქიატრულ საავადმყოფოში. რევოლუციონერი, ანარქისტი.

წყარო: მამულიშვილთა სავანე. - თბ., 1994. - გვ.106; ანარქისტული ბიბლიოთეკა - Georgian Anarchist Laibtary - ს პორტალი: a-library.org ; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.629

• კრიტიკა სოციალ-დემოკრატიისა (Author). - თფილისი, გამოცემა ვ. ღამბაშიძისა, 1908
• 1) მუშათა კავშირები და მათი მნიშვნელობა. 2) სინდიკალიზმი (Author). - ტფილისი, გამოც. "კომუნნისა"(ელექტრომბეჭდავი ამხ. "შრომა"), 1906. - 86გვ.