შალვა დემეტრაძე

დაბადების ადგილი: სოფელი ცხრაწყარო, ზესტაფონის რაიონი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1930 წელს.

მუშაობდა გაზეთ "კომუნისტში"; ერთ ხანს მოღვაწეობდა გამომცემლობა "საბჭოთა მწერალში"; აქედან მოყოლებული, თითქმის 40 წელი უანგაროდ ემსახურა ქართული წიგნის გამოცემის საქმეს, ჯერ გამომცემლობა "ლიტერატურა და ხელოვნებაში", შემდეგ "მერანში"; მისი ასეთი სიყვარული ქართული წიგნისადმი შემთხვევითი არ ყოფილა; იგი ყრმობიდანვე ეზიარა ქართულ პოეზიას, ახლო ურთიერთობა ჰქონდა "ცისფერყანწელებთან", ღირსეული მეგობრობა გაუწია ტიციან ტაბიძეს და პაულო იაშვილს, სწორედ მას მოუწია მათი წიგნების შედგენა-გამოცემა და ამ ძვირფასი სახელების ხალხისთვის დაბრუნება; საზოგადო მოღვაწე. 1941-1945წწ. სამამულო ომში მამაცობის დასტურად მიღებული აქვს მთავრობის ჯილდოები.

წყარო: მამულიშვილთა სავანე. - თბ., 1994. - გვ.123

• საქართველოს კულტურის დამსახურებული მუშაკი