ევგენია ეგაძე-ყიფშიძე

დაბადების ადგილი: ქ. თბილისი.

ჯერ კიდევ თბილისის ქალთა გიმნაზიის უფროს კლასელი ასწავლიდა ვერის რაიონის საკვირაო სკოლაში თამბაქოს ფაბრიკის მუშებს წერა-კითხვას; 1907-1914წწ. მასწავლებლობდა ქალთა მე-4 გიმნაზიაში, ვაჟთა II გიმნაზიაში, მე-15 შრომის სკოლაში; აგრეთვე ეწეოდა საზოგადოებრივ მუშაობას, აქტიურად ეხმარებოდა "წერა კითხვის საზოგადოებას" საღამოების მოწყობაში; შემოსავლით დახმარება ეწეოდათ მატერიალურად ხელმოკლე მწერლებს, მხატვრებს, საზოგადო მოღვაწეებს; ამასთანავე, ახლად დაარსებული "საქართველოს ისტორტიისა და ეთნოგრაფიის მუზეუმისთვის" აგროვებდა ქართლის სოფლებში ექსპონატებს (იარაღს, ჭურჭელს, წიგნებსა და სიგელებს). ენათმეცნიერის იოსებ ყიფშიძის მეუღლე.

წყარო: მამულიშვილთა სავანე. - თბ., 1994. - გვ.130; დღიურები, ჩანაწერები / იოსებ ყიფშიძე, ევგენია ეგაძე-ყიფშიძისა, დავით ყიფშიძე.-თბ.,2013.-გვ.67-70; წინ დიდი გზაა : დამსახურებული მასწავლებლის ევგენია კონსტანტინეს ასულ ეგაძე - ყიფშიძის შესახებ / თამარ გომართელი // საქართველოს ქალი.-თბილისი,1965.-N6.- გვ.15-16

• 1949 - ლენინის ორდენი
  განათლების დარგში ხანგრძლივი და უმწიკვლო მუშაობისთვის
• 1946 - მედალი "შრომითი მამაცობისთვის"
• 1939 - საქართველოს დამსახურებული მასწავლებელი

• დღიურები, ჩანაწერები (თანაავტორი). - თბილისი, ინტელექტი, 2013. - 202გვ.. - ISBN: 9789941446412