რევაზ მაღალაშვილი

დაბადების ადგილი: ქ. თბილისი.

1943-1945წწ. სწავლობდა თბილისის ფიზკულტურის ტექნიკუმში, სწავლა განაგრძო თბილისის ქორეოგრაფიულ სკოლა-სტუდიაში.

1945-1968წწ. იყო თბილისის ოპერისა და ბალეტის თეატრის საბალეტო დასის სოლისტი; 1957 წელს ბერლინში მსოფლიო საბალეტო ხელოვნების ფესტივალის მონაწილე; 1968-1974წწ. თბილისის ოპერისა და ბალეტის თეატრის საბალეტო დასის პედაგოგ-რეპეტიტორი; 1974 წლიდან მოსკოვის დიდ თეატრთან არსებული ქორეოგრაფიული სასწავლებლის პედაგოგი, მიჰყავდა უცხოელი მსახიობების კვალიფიკაციის ამაღლების კურსი; ქართული რეპერტუარი: მთელი რიგი წამყვანი პარტიები, მათ შორის: ჯარჯი (ა. ბალანჩივაძე "მთების გული"), დავრიში (გრ. კილაძე "სინათლე"), მამია, სარდალი, სიკვდილის ცეკვა (დ. თორაძე "გორდა", "მშვიდობისათვის"), ოტელო (ა. მაჭავარიანი "ოტელო"); სხვა რეპერტუარი: მეგობარი (კრეინი "ლაურენსია"), ბაზილი, ესპადა (მინკუსი "დონ-კიხოტი"), ზიგფრიდი (ჩაიკოვსკი "გედების ტბა"), ვაცლავი, ნურალი (ასაფიევი "ბახჩისარაის შადრევანი"), მა ლი-ჩენი, ლი შანფუ(გლიერი "წითელი ყაყაჩო"), ყაჩაღი (მოროზოვი "ექიმი აიბოლიტი"), ბილი (გერშვინი "რაფსოდია ბლუზის სტილში"), პა დე-დე ("კორსარი"); ცეკვები საოპერო სპექტაკლებში: ყივჩაღთა ცეკვები (ბოროდინი "თავადი იგორი"); ბალეტის მოცეკვავე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 302; ეროვნული ფილმოგრაფია: geocinema.ge; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 584-585

• 1974 - საქართველოს სახალხო არტისტი
• 1958 - საქართველოს დამსახურებული არტისტი