ნინო მაჩაიძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია(ვოკალური).

სწავლობდა თბილისის "ნიჭიერთა ათწლედში"(ფლეიტა), თბილისის სახელმწიფო კონსერვატორიასთან არსებულ მუსიკალურ სკოლაში(ვოკალური); 2000-2005წწ. იყო ზ. ფალიაშვილის სახელობის თბილისის ოპერისა და ბალეტის თეატრის სოლისტი(სოპრანო); 2005 წელს გაიმარჯვა "ლა სკალას" 400 ახალგაზრდა კონკურსანტს შორის, რომლის შემდეგაც შედგა დებიუტი "ლა სკალას" სცენაზე, ნაიადა(2005, რ. შტრაუსი "არიადნა ნაქსოსზე"); 2008 წელი მის კარიერაში გარდამტეხი იყო, როდესაც ჯულიეტას პარტიით (გუნო "რომეო და ჯულიეტა") მონაწილეობა მიიღო ევროპის ერთ-ერთ პრესტიჟულ ზალცბურგის მუსიკალურ ფესტივალში და ავსტრიელი მსმენელის აღფრთოვანება დაიმსახურა; მას შემდეგ მსოფლიოს მრავალ სცენასა და ფესტივალზე გამოდის საოპერო პარტიებითა და სოლო კონცერტებით; 2005 წლიდან ცხოვრობს და მოღვაწეობს იტალიაში; რეპერტუარი: ცერლინა(მოცარტი "დინ ჟუანი"), ნორინა, ადინა, ლუჩია, მარი(დონიცეტი "დონ პასკუალე", "სიყვარულის ნექტარი", "ლუჩია დი ლამერმური", "პოლკის ქალიშვილი"), ნაიადა(რ. შტრაუსი "არიადნა ნაქსოსზე"), ჯილდა(ვერდი "რიგოლეტო"), ლეილა(ბიზე "მარგალიტის მაძიებელნი"), ჯულიეტა(გუნო "რომეო და ჯულიეტა"), ელვირა(ბელინი "პურიტანები"), ფიორელა, ნინეტა(როსინი "თურქი იტალიაში", "ქურდი კაჭკაჭი"), მიუზეტა(პუჩინი "ბოჰემა"); DVD ფილმი-ოპერა "რომეო და ჯულიეტა". 2011 წლიდან "Sony Classical"-ის არტისტი. დასასხელდა ესპანეთის წლის საუკეთესო მომღერალ ქალად (2012–2013). 2020 წლიდან ატარებს მასტერკლასებს ევროპაში. 

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 305;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 600

• 2007 - ლეილა გენჩერის სახელობის ვოკალისტთა კონკურსი, I პრემია (სტამბული)