გურამ ლორთქიფანიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1955 წელს. მოსკოვის  საკავშირო კინემატოგრაფიის ინსტიტუტის სცენარისტისა და რეჟისორის ორწლიანი კურსები 1969 წელს.

1949–1972წწ. მუშაობდა კინოსტუდია "ქართულ ფილმში"; 1972–1980წწ. საქართველოს ტელევიზიაში რეჟისორად; 1981 წლიდან კინოსტუდია "ქართული ფილმის" რეჟისორია. გადაღებულია მრავალ ფილმში საქართველოსა და საზღვარგარეთ. დიდი პოპულარობა მოუტანა აგულის როლმა ("არაჩვეულებრივი გამოფენა", რეჟ. ე. შენგელაია, 1968 წელს). განსაკუთრებული ოსტატობით ასრულებდა მეორეხარისხოვან როლებს და ქმნიდა დაუვიწყარ სახეებს. პიროვნული ღირსებების გამო მიჩნეული იყო ქ. თბილისის კოლორიტად.

წყარო: თბილისი – ენციკლოპედია. – თბ., 2002 – გვ.630; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.198; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.428

• საქართველოს კინემატოგრაფისტთა შემოქმედებითი კავშირი, წევრი

• 2000 - ღირსების ორდენი
• 1999 - თბილისის საპატიო მოქალაქე
• 1980 - საქართველოს დამსახურებული არტისტი