ტატიანა მახარაძე

დაბადების ადგილი: ქ. ბათუმი.

დაამთავრა  ბათუმის მუსიკალური ათწლედი(საფორტეპიანო).

1937 წელს(სკოლის დამთავრებისთანავე) მიიწვიეს ქალთა სახელმწიფო ანსამბლსი სოლისტად(ხელმძღვანელები კ. და ა. ფოცხვერაშვილები); 1949 წლიდან იყო საქართველოს ფილარმონიის სოლისტი; ამავე წელს მიიწვიეს სტალინის დაბადების 70 წლის აღსანიშნავ საიუბილეო საღამოზე მოსკოვში, სადაც შეკრებილი იყო საბჭოთა კავშირის მსახიობთა საუკეთესო ნაწილი; ამ სადღესასწაულო საღამოზე მისთვის სპეციალურად გადათარგმნეს სიმღერა "სულიკოს" ტექსტი რუსულ ენაზე; ქართულ-რუსულ "სულიკოს" იგი თითქმის ყველა სახელმწიფო კონცერტზე ასრულებდა; 1950 წლიდან იყო "Госконцерт"-ის სოლისტი; მან ერთ-ერთმა პირველმა გაიტანა ქართული სიმღერები საზღვარგარეთ; ინგლისში და შვედეთში სპეციალურად მიიწვიეს მის მიერ შესრულებული ქართული სიმღერების ჩასაწერად; რეპერტუარი: გურული(კრიმანჭულის ჩათვლით), მეგრული, იმერული, ქართლ-კახური, მთიულური, მოხეური, თუშური, ქალაქური აღმოსავლური სტილის და ქართული კლასიკური სიმღერები, მათ შორის: "მოხევის ქალო თინაო", "არწივი ვნახე დაჭრილი", "მე ქართველი ბუხაიძე", "გამოღმით შენ ხარ, გაღმით შენ"; მიჩნეული იყო "სულიკოს", "ციცინათელას" საუკეთესო შემსრულებლად; წლების მანძილზე(1960-1980წწ.), საბავშვო რადიო გადაცემა "ძილისპირული" იწყებოდა მისი ნამღერი "იავნანათი"; გასტროლები: სსრკ, შვედეთი, ინგლისი, შოტლანდია, აღმოსავლეთ ევროპის მრავალი ქვეყანა; 1953 წელს გახდა ბუქარესტის ახალგაზრდობისა და სტუდენტთა VI საერთაშორისო ფესტივალის I პრემიის ლაურეატი. ქართული ხალხური და საესტრადო სიმღერების შემსრულებელი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 310; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.50; საქართველო: ენციკლოპედია: ტ.5. -თბ.,2023. -გვ.621-622

• 2000 - ღირსების ორდენი