აპოლონ ქუთათელაძე

დაბადების ადგილი: სოფელი ივანდიდი, ხონის რაიონი.

დაამთავრა თბილისის სამხატვრო აკადემიის ფერწერის განყოფილება 1926 წელს.

აკადემიის დამთავრების შემდეგ მუშაობდა სატირულ ჟურნალში მთავარ რედაქტორად, პარალელურად მონაწილეობდა თბილისსა და მოსკოვში გამართულ გამოფენებში; ამავე პერიოდში შექმნა ფერწერული ტილოები - "1905 წელი საქართველოში", "გიორგი სააკაძე მარაბდის ბრძოლაში", "ნასაკირალის ბრძოლა", მოხატა ქ. ფოთის თეატრი; 1928 წელს იგი პროფესიული დაოსტატების მიზნით გაემგზავრა ლენინგრანდში; ერთ წლის შემდეგ მოღვაწეობა განაგრძო მოსკოვში. მუშაობდა საბავშვო სამხატვრო ლიტერატურის გაფორმებაზე; იყო აღმოსავლეთის ხალხთა ხელოვნების სახელმწიფო მუზეუმის მთავარი მხატვარი. ამ პერიოდში შექმნა სურათები - "სვანეთი", "თურქეთის შემოსვლა დასავლეთ საქართველოში", "რუხის ბრძოლა" და სხვა მრავალი. 1942 წელს მოსკოვიდან მშობლიურ ქალაქს დაუბრუნდა და მუშაობა დაიწყო თბილისის სამხატვრო აკადემიის ფერწერის კათედრაზე; 1959-1972წწ. იყო სამხატვრო აკადემიის რექტორი. მხატვარი, ფერმწერ-ბატალისტი, პროფესორი.

წყარო: მამულიშვილთა სავანე. - თბ., 1994. - გვ.347; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.369; კარგ ქართველთა საფლავები: geonecropol.ge

• საქართველოს სამხატვრო ფონდი, თავმჯდომარე
• სსრ კავშირის სამხატვრო აკადემია, წევრ-კორესპოდენტი

• სსრ კავშირის სახალხო მხატვარი

• ნადირები : სურათები ბავშვებისათვის (ავტორი). - ტფილისი, სახელგამი. - 11გვ.