პეტრე მირიანაშვილი

დაბადების ადგილი: ქ. ქუთაისი.

დაამთავრა ქ. ქუთაისის გიმნაზია.

1882 წლიდან სწავლობდა ჯერ პეტერბურგის უნივერსიტეტში, შემდეგ სორბონის(პარიზი) უნივერსიტეტში(ისტორიულ-ფილოლოგიური).

1886 წელს დაბრუნდა სამშობლოში; იღვწოდა პედაგოგიურ სარბიელზე; მისი წერილები, ნარკვევები, თარგმანები იბეჭდებოდა ქართულ ჟურნალ-გაზეთებში("დროება", "ივერია", "შრომა", "სახალხო გაზეთი", "თემი", "მოამბე", "თეატრი და ცხოვრება", "ჯეჯილი"); წერდა "კლდიას" და "მოგზაურის" ფსევდონიმებით; თარგმნა ჰომეროსის, ევრიპიდეს, ესქილეს, გოეთეს, რენანის თხზულებები, ინდური და ძველი ებრაული ჰიმნები; გდააკეთა და ცალკე წიგნებად გამოსცა "ამირანის ლექსი"(1913), "როსტომიანი"(1914), "ვეფხისტყაოსანი"(1915); მას ეკუთვნის "ქართული სიტყვიერების განარკვი"1929); ქართული კლასიკური ოპერის, ზ. ფალიაშვილის "აბესალომ და ეთერის", აგრეთვე ა. ყარაშვილის ოპერა "ვეფხისტყაოსანის"(დაუმთავრებელი) ლიბრეტისტი; ქართულად თარგმნა ა. რუბინშტეინის ოპერა "დემონი"(1905, პეტერბურგი, დაიდგა ქართულ ენაზე); ლიტერატურის კრიტიკოსი, ლიბრეტისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 330; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.74

• ქართველთა შორის წერა-კითხვის გამავრცელებელი საზოგადოება, მდივანი (1900-)