ნუცა მიქელაძე

დაბადების ადგილი: ქ. თბილისი.

დაამთავრა თბილისის IV მუსიკალური სასწავლებელი 1940 წელს(ვოკალური).

1938-1942წწ. სწავლობდა თბილისის სახელმწიფო უნივერსიტეტში(ფილოლოგიური), პარალელურად 1941-1947წწ. თბილისის სახელმწიფო კონსერვატორიაში(ვოკალური).

1951-1962წწ. იყო ზ. ფალიაშვილის სახელობის თბილისის ოპერისა და ბალეტის თეატრის წამყვანი სოლისტი(სოპრანო); 1951 წელს შედგა დებიუტი - იოლანტა(ჩაიკოვსკი "იოლანტა"); 1972 წლიდნ სიცოცხლის ბოლომდე თბილისის III მუსიკალური სასწავლებლის პედაგოგი(ვოკალი); ქართული რეპერტუარი: გულჩინა(დ. არაყიშვილი "თქმულება შოთა რუსთაველზე"), მარო, მარიხი(ზ. ფალიაშვილი "დაისი", "აბესალომ და ეთერი"), ცირა(მ. ბალანჩივაძე "დარეჯან ცბიერი"), მარინე(ა. შავერზაშვილი "მარინე"), შვლის ნუკრი(ა. ანდრიაშვილი "ჩხიკვთა ქორწილი"); სხვა რეპერტუარი: ვიოლეტა, ჯილდა(ვერდი "ტრავიატა", "რიგოლეტო"), ელენ(დელიბი "ლაკმე"), იოლანტა(ჩაიკოვსკი "იოლანტა"), მარფა(რიმსკი-კორსაკოვი "მეფის საცოლე"); ი. შტრაუსი "ვალსი"; გახმოვანებული აქვს კინოფილმები: "ქეთო და კოტე"(1948, რეჟისორი "ვ. ტაბლიაშვილი, შ. გედევანიშვილი), "ბედნიერი შეხვედრა"(1949, რეჟისორი ნ. სანიშვილი), "მდინარის გაღმა"; გადაღებულია კინოფილმში "ჯურღაის ფარი", სადაც ასრულებს პირველი ქალიშვილის როლს და გულჩინას და აბდულ-არაბის დუეტს(1944, რეჟისორი ს. დოლიძე, დ. რონდელი); სიცოცხლეში "კავკასიის იადონი" უწოდეს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 334

• საქართველოს დამსახურებული არტისტი