იოსებ მონადირაშვილი

დაბადების ადგილი: ქ. თელავი.

დაამთავრა ქ. თელავის სასულიერო სასწავლებელი, თბილისის სასულიერო სემინარია.

1892 წელს იყო ქ. დორპატის უნივერსიტეტის ფილოლოგიური ფაკულტეტის სტუდენტი; სწავლის დამთავრების შემდეგ მოღვაწეობდა ქ. თელავში, სადაც დააარსა სასულიერო გუნდი, სათავეში ედგა სასულიერო სასწავლებლის ბიბლიოთეკას; 1895-1915წწ. თბილისის გიმნაზიაში სიმღერის, ქართული და რუსული ენის პედაგოგი; თბილისის ქაშუეთის ეკლესიის მგალობელთა გუნდის ლოტბარი; ნოტებზე გადაიტანა სასულიერო საგალობლები და ხალხური სიმღერები; მართავდა კონცერტებს, ლიტერატურულ-თეატრალურ საღამოებს; იყო ერთ-ერთი მოთავე თბილისში ქართული გიმნაზიის შენობის აგების; 1912 წელს გაემგზავრა მოსკოვში, სადაც შევიდა უნივერსიტეტში იურიდიულ ფაკულტეტზე; ზოგიერთი ცნობით ავტორია პასექის ტროპარების, რომანსების, მუსიკალურ საკითხებზე წერილების; ქართული საეკლესიო გალობის შესახებ რუსულ ენაზე გამოაქვეყნა წერილი - "О нуждах и задачах церковно-грузинского пения"("Кавказ", 1900, №155). ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 336; ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.369

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1908-1911)