სოლომონ დემურხანაშვილი

დაბადების ადგილი: სოფელი იყალთო, თელავის რაიონი.

დაამთავრა ა. პუშკინის სახელობის თბილისის პედაგოგიური ინსტიტუტი 1966 წელს.

სხვადასხვა პერიოდში მუშაობდა გაზეთ სამგორის განყოფილების გამგედ, გამომცემლობა "მერანის" რედაქტორად, ალმანახ "საუნჯის" განყოფილების გამგედ, ალმანახ "ალგეთის" მთავარ რედაქტორად, ჟურნალ "დილას" სარედაქციო კოლეგიის წევრად და სხვა; პირველი მოთხრობა "ლაპუა", ჟურნალ მნათობში დაიბეჭდა 1958 წელს; აქტიურად გამოიცემოდა მწერლის მოთხრობები, ნოველები და რომანები: "ჩვეულებრივი დღე"(1962), "ხმა მიწისა"(1967), "ოქროს ნაპირი"(1969), "ნეტარ არიან მორწმუნენი"(1974), "შეხვედრა უღელტეხილზე"(1980), "მზის მოქცევა"(1985), "უკანასკნელი ზარი"(1989), "მაცდური"(1990) და სხვა; ავტორია საბავშვო მოთხრობების: "დედა ზღარბის ნაამბობი"(1968) და "მელია წვრილას ფათერაკები"(1991); თარგმნა იური ნაგიბინის, მიხეილ ზოშჩეკოს, ანდრეი პლატონოვის, რევაზ ჩოჩიევის, გაფეზის და სხვათა ნაწარმოებები; 1970 წელს მწერლის მოთხრობების მიხედვით შეიქმნა მოკლემეტრაჟიანი მხატვრული ფილმი "შეხვედრამდე"(რეჟ.: გივი ვეფხვაძე); მისი ცალკეული ნაწარმოები თარგმნილია რუსულ და სხვა ენებზე. სიცოცხლის ბოლო წლებში ს. დემურხანაშვილი მუშაობდა ისტორიულ რომანზე "გიორგი ბრწყინვალე", რომლის ნაწყვეტები ქვეყნდებოდა ჟურნალ "კარიბჭეში".   

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.114

• 1996 - ღირსების ორდენი

• მაცდური : რომანი (Author). - თბილისი, მერანი, 1990. - 199გვ.
• უკანასკნელი ზარი : მოთხრობები (Author). - თბილისი, ნაკადული, 1989. - 227გვ.
• მზის მოქცევა : რომანი, მოთხრობები (Author). - თბილისი, საბჭ. საქართველო, 1988. - 677გვ.