ლეილა ნადარეიშვილი

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1956 წელს.

1957-1958წწ. იყო ქ. ერევნის სპენდიაროვის სახელობის ოპერისა და ბალეტის თეატრის საბალეტო დასის სოლისტი; 1958 წელს გაიარა სტაჟირება მოსკოვის დიდ თეატრთან არსებულ ქორეოგრაფიულ სასწავლებელში, პედაგოგი ვ. პეტროვა; 1959-1977წწ. იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის წამყვანი სოლისტი; პარალელურად, 1974-1977წწ. სწავლობდა ლენინგრადის თეატრის, მუსიკისა და კინოს ინსტიტუტში; 1980-1995წწ. ვ. სარაჯიშვილის სახელობის თბილისის სახელმწიფო კონსერვატორიის ესთეტიკის კათედრის მეცნიერ-თანამშრომელი; 1995-2008წწ. თბილისის თეატრისა და კინოს უნივერსიტეტის დ. ჯანელიძის სახელობის სამეცნიერო ცენტრის მეცნიერ-თანამშრომელი, ამავე ინსტიტუტში პედაგოგი; ქართული რეპერტუარი: მზეთუნახავი(გრ. კილაძე "სინათლე"), ირემა, ზოია(დ. თორაძე "გორდა", "მშვიდობისათვის"), დეზდემონა(ა. მაჭავარიანი "ოტელო"), ოფელია(რ. გაბიჩვაძე "ჰამლეტი"), აღმოსავლეთის ვარსკვლავი(ს. ცინცაძე "დემონი"), ევრიდიკე(გლუკი-ნასიძე "ორფეოსი და ევრიდიკე"), მანდილოსანი(ბ. კვერნაძე "მხატვრის სახელოსნოში"), ქალიშვილი(ბ. კვერნაძე "ბერიკაობა", 1973, პრემიერა), ქალი(ბახი "პასაკალია"); სხვა რეპერტუარი: ოდეტა-ოდილია, ფრანჩესკა, იასამნის ფერია(ჩაიკოვსკი "გედების ტბა", "ფრანჩესკა და რიმინი", "მძინარე მზეთუნახავი"), ჰამზათი(მინკუსი "ბაიადერა"), მირტა(ადანი "ჟიზელი"), ჰასინტა(კრეინი "ლაურენსია"), მბრძანებელი, ქუჩის მოცეკვავე(მინკუსი "დონ კიხოტი"); გასტროლები: რუსეთი, პოლონეთი, უნგრეთი, საფრანგეთი; ბალეტის მოცეკვავე, საბალეტო ხელოვნების მკვლევარი. ხელოვნებათმცოდნეობის დოქტორი.

სადოქტორო დისერტაციის თემა - "ქართული ბალეტი", დაიცვა 1977 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 356

• ღირსების ორდენი