ზაქარია მაისურაძე

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემია 1938 წელს.

1939-1959წწ. ეწეოდა პედაგოგიურ მოღვაწეობას თბილისის სახელმწიფო სამხატვრო აკადემიაში. 1944-1971წწ. მუშაობდა ქართული ხელოვნების ისტორიის ინსტიტუტში (1956 წლიდან მცირე და გამოყენებით ხელოვნებათა განყოფილების გამგე). ნამუშევრები: სერია "ირმები" (1952-1960, საქართველოს ხელოვნების მუზეუმი, საქართველოს სამხატვრო გალერეა, ავტორის ოჯახის კუთვნილება), კომპოზიციები ქართული ხალხური ზღაპრების თემებზე(მცირე, მრგვალი პლასტიკა, 1952-1955, საქართველოს ხელოვნების მუზეუმი, ავტორის ოჯახის კუთვნილება), დეკორატიული პანო "მოსავლის აღება" (1953, საქართველოს ხელოვნების მუზეუმი), კერამიკულ ფილებზე შესრულებული დეკორატიული კომპოზიცია "ბერიკაობა"(1957-1959, საქართველოს სამხატვრო გალერეა) და სხვ. ავტორია ნაშრომებისა ძველი ქართული კერამიკის შესახებ. მხატვარ-კერამიკოსი.

წყარო: თბილისი: ენციკლოპედია.- თბ., 2002. - გვ.636; ქართული საბჭოთა ენციკლოპედია: ტ. 6.-თბ., 1983.-გვ.367; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.468

• 1967 - საქართველოს დამსახურებული მხატვარი

• ოზაანის კერამიკა (ავტორი). - თბილისი, საქ. სსრ მეცნ. აკად. გამ-ბა, 1959. - 31გვ.
• ქართული მხატვრული კერამიკა XI-XIII ს.ს. : დმანისის ანგობიანი კერამიკა (ავტორი). - თბილისი, საქ. სსრ მეცნ. აკად. გამ-ბა, 1953. - 37გვ.