თენგიზ გოშაძე

დაბადების ადგილი: ქ. თბილისი.

დაამთავრა "თბილისის კინოსტუდიასთან" არსებული კინომსახიობთა სკოლა 1947 წელს; 1951-1955წწ. სწავლობდა თბილისის სახელმწიფო პედაგოგიურ ინსტიტუტში; 1965 წელს დაამთავრა შოთა რუსთაველის სახელობის თეატრალური ინსტიტუტის სარეჟისორო ფაკულტეტი.

1951 წლიდან რეჟისორის ასისტენტი ფილმებზე: "მწვერვალთა დამპყრობნი“, "ისინი ჩამოვიდნენ მთიდან", "ჭრიჭინა", "ბაში-აჩუკი", "მანანა", "ორი ოჯახი"; 1976 წლიდან შ. რუსთაველის სახელობის თეატრალური ინსტიტუტის კინემატოგრაფიის ფაკულტეტის სამსახიობო ოსტატობის პედაგოგია. ავტორია წიგნებისა და პუბლიცისტური სტატიების ხელოვნების ნიმუშების შესახებ; აქვეყნებდა პუბლიცისტურ წერილებს პერიოდულ გამოცემებში. დამდგმელი რეჟისორია ფილმების: "ბიჭი და ძაღლი" (1964), "წყალდიდობა" (1970), "მოხუცი მემანქანე" (1981); სცენარის ავტორია ფილმების: "წყალდიდობა" (1970), "მოხუცი მემანქანე" (1981).

წყარო: ეროვნული ფილმოგრაფიის პორტალი: geocinema.ge

• საქართველოს კინემატოგრაფისტთა შემოქმედებითი კავშირი, წევრი

• ორი მოთხრობა (ავტორი). - თბილისი, 2007. - 46გვ.. - ISBN: 978-9941-0-0229-8
• ქართველთა მძიმე ხვედრი (ავტორი). - თბილისი, ს/ს "პირველი სტამბა", 1997. - 400გვ.