შოთა მაჭავარიანი

დაამთავრა თბილისის სახელმწიფო სამედიცინო ინსტიტუტი 1944 წელს; 1946 წელს დაამთავრა ამავე ინსტიტუტის ჰოსპიტალური ქირურგიის კლინიკური ორდინატურა.

მუშაობა დაიწყო გ. მუხაძის სახელობის ჰემატოლოგიისა და ტრანსფუზიოლოგიის სამეცნიერო-კვლევით ინსტიტუტში; 1957-1942წწ. იყო ამავე ინსტიტუტის პათოფიზიოლოგიური ლაბორატორიის გამგე; ნ. ყიფშიძის სახ. ცენტრალური კლინიკური საავადმყოფოს III ქირურგიული განყოფილების გამგე; 1962-1967წწ. რეანიმაციის ლაბორატორიის, ხოლო 1967-1988წწ. თბილისის სახელმწიფო სამედიცინო ინსტიტუტის რეანიმაციის საპრობლემო ლაბორატორიის ხელმძღვანელი; 1973 წლიდან ჩამოაყალიბა სამედიცინო ინსტიტუტის ანესთეზიოლოგიისა და რეანიმატოლოგიის კათედრა და 1973-1988წწ. იყო მისი გამგე; მას ეკუთვნის მრავალი სამეცნიერო ნაშრომი: ორი სახელმძღვანელო და სამი მონოგრაფია (ერთი მათგანი - "რეანიმაცია" ამ ტიპის პირველი მონოგრაფიაა საქართველოში). რეანიმატოლოგ-ანესთეზიოლოგი, რეანიმაციის ერთ-ერთი ფუძემდებელი საქართველოში, მედიცინის მეცნიერებათა დოქტორი (1963), პროფესორი (1972).

წყარო: თბილისი: ენციკლოპედია.- თბ., 2002. - გვ.650; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 611

• ინფუზიურ-ტრანსფუზიული თერაპია (ავტორი). - თბილისი, საბჭოთა საქართველო, 1989. - 189გვ.
• ინტენსიური თერაპია და რეანიმატოლოგია : სახელმძღვ. საშ. სამედ. სასწ. მოსწავლეთათვის (ავტორი). - თბილისი, განათლება, 1986. - 411გვ.
• რეანიმაცია (ავტორი). - თბილისი, საბჭოთა საქართველო, 1966. - 96გვ.