ნოდარ ვადაჭკორია

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემია 1955 წელს.

მუშაობდა თბილისის სხვადასხვა საპროექტო ორგანიზაციებში. 1988 წელს არჩეულ იქნა "საკკურორტპროექტის" საქართველოს ფილიალის დირექტორად (1996 წლიდან-შპს "კურორტპროექტი"). მონაწილეობდა სანატორიუმ "იმერეთის"(წყალტუბო) დაპროექტებაში (1958). ძირითადი ნამუშევრები: სასტუმრო დაბა ფასანაურში (1958, ზ. თავართქილაძესთან ერთად), მინისტრთა საბჭოს დასასვენებელი სახლი ბიჭვინთაში (1963), პანსიონატები წყნეთში(1964, ყველა ვ. ალექსი-მესხიშვილთან ერთად), პანსიონატი "სინოპი"(სოხუმი, 1965), დასასვენებელი სახლი "ჰორიზონტი"(ქობულეთი, 1978, მ. ლიპარტელიანსა და მ. ჩხენკელთან ერთად), სასტუმრო "ამირანი" (თბილისი, 1986, ლ. კარკუსოვასა და მ. მარგველაშვილთან ერთად), საკასაციო სასამართლო თბილისში (2006, რ. ბაკურაძესთან ერთად) და სხვ. საერთაშორისო გამოფენებზე იყო აგრეთვე საქართველოს პავილიონების ავტორი (გფრ,1972; თურქეთი, 1974; საფრანგეთი, 1975; ყველა რ. კიკნაძესთან და შ. ყავლაშვილთან ერთად, მოსკოვი, 1977; ო. ლითანიშვილთან ერთად).

წყარო: საქართველო: ენციკლოპედია: ტ.III.–თბ., 2014.–გვ.130

• არქიტექტორთა კავშირი, წევრი

• 2002 - ღირსების ორდენი