მანანა ორბელიანი

მანანა ორბელიანს ჰქონდა სახელგანთქმული სალონი, სადაც იკრიბებოდნენ გამოჩენილი მწერლები, საზოგადო და ხელოვნების მოღვაწეები: ნ. ბარათაშვილი, გრ. ორბელიანი, გ. ერისთავი, მ. თუმანიშვილი, დ. ყიფიანი; სალონის ხშირი სტუმრები იყვნენ თბილისში ჩამოსული უცხოელები; სალონში ქართულ ხალხურ მუსიკასთან, სიმღერებთან, საცეკვაოებთან ერთად სრულდებოდა ევროპული მუსიკის ნიმუშები; მანანა ორბელიანი ერთ-ერთი პირველთაგანია საქართველოში ვინც უკრავდა ფორტეპიანოზე; მონაწილეობდა ჟურნალ "ცისკარის" დაარსებასა და მუდმივი ქართული პროფესიული თეატრის ჩამოყალიბებაში; მირმანოზ ქსნის ერისთავის ასული, დავით ორბელიანის მეუღლე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 376; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.81