შოთა ვადაჭკორია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ ევროპისა და ლიტერატურის ფაკულტეტი 1952 წელს.

1953 წლიდან მუშაობდა სხვადასხვა გაზეთის ("ზარია ვოსტოკა", "ახალგაზრდა კომუნისტი", "სახალხო განათლება", "ლელო") და ჟურნალ "ჟურნალისტის" (1993-1995წწ. მთავარი რედაქტორის მოადგილე) რედაქციებში, ხოლო 1966-2003წწ. ქართული ენციკლოპედიის მთავარ სამეცნიერო რედაქციაში. 1966-1967წწ. იყო სიტყვანისა და სამეცნიერო კონტროლის რედაქციის გამგე, 1967-1993წწ. ენისა და ლიტერატურის რედაქციის გამგე, 1995-2003წწ. სიტყვანისა და ბიბლიოგრაფიის რედაქციის გამგე.1953 წლიდან სისტემატურად აქვეყნებდა ლიტერატურულ-კრიტიკულ და პუბლიცისტურ წერილებს, მოთხრობებს. ავტორია მოთხრობათა კრებულისა "პირველი ჩემპიონები" (1965). 1987 წელს ცალკე წიგნად გამოსცა მოთხრობა "კუპრა". ავტორია აგრეთვე მოთხრობებისა: "ნოვოკაინი" (1988), "შურისგება" (1989) და სხვ. აღსანიშნავია რომანი-დილოგია (I წიგნი "მზის თვალი", თბ. 1977; II წიგნი "ლოტოსის ფურცლები", თბ. 1984), რომლებშიც გადმოცემულია სტუდენტობისა და შემოქმედი ინტილიგენციის ყოფა-ცხოვრება. 

წყარო: საქართველო: ენციკლოპედია: ტ.III.–თბ., 2014.–გვ.130

• 1988 - საქართველოს სახელმწიფო პრემია (ერთობლივი გამარჯვება)
• 1984 - საქართველოს კულტურის დამსახურებული მუშაკი
  ქართული საბჭოთა ენციკლოპედია : 12 ტომად .-თბილისი : ბეჭვდვითი სიტყვის კომბინატი

• კუპრა : მოთხრობა საშ. სასკ. ასაკის ბავშვთათვის (ავტორი). - თბილისი, ნაკადული, 1986. - 111გვ.
• ლოტოსის ფურცლები : რომანი (ავტორი). - თბილისი, მერანი, 1984. - 445გვ.
• მზის თვალი : რომანი (ავტორი). - თბილისი, საბჭ.საქართველო, 1977. - 310გვ.