ლალა თაბუკაშვილი

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1955 წელს; სსრკ მეცნიერებათა აკადემიის ხელოვნებათმცოდნეობის ინსტიტუტის ასპირანტურა 1968 წელს.

1957-1968წწ. - გაზეთ "მოლოდიოჟ გრუზიის" კულტურის განყოფილების გამგე; 1970-2009 წწ. ეწეოდა პედაგოგიურ და სამეცნიერო მოღვაწეობას შოთა რუსთაველის სახელობის თეატრისა და კინოს უნივერსიტეტში. არის ავტორი მრავალი კრიტიკული წერილისა და სამეცნიერო გამოკვლევებისა ქართულ და მსოფლიო კინოხელოვნების ისტორიის სხვადასხვა საკითხებზე. გადაღებულია მხატვრულ ფილმებში: "ცისფერი მთები, ანუ დაუჯერებელი ამბავი" (1983) და "სუფთა დაფა" (1981). ხელოვნებათმცოდნეობის კანდიდატი (1968). კინომცოდნე, ხელოვნებათმცოდნეობის მეცნიერებათა დოქტორი (2006).

საკანდიდატო დისერტაციის თემა - "ნიკოლოზ შენგელაია და ეროვნული კულტურის ჩამოყალიბება", დაიცვა 1968 წელს; სადოქტორო დისერტაციის თემა - "ვარსკვლავთა სისტემის" ჩამოყალიბება და განვითარება XX საუკუნის 10-30-იანი წლების მსოფლიო კინემატოგრაფში", დაიცვა 2006 წელს.

წყარო: ქართული კონო, 1896-2011.- თბ., 2011.- გვ. 87; ეროვნული ფილმოგრაფიის პორტალი: geocinema.ge; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.76; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.584

• საქართველოს კინემატოგრაფისტთა შემოქმედებითი კავშირი, წევრი

• 2001 - ღირსების ორდენი
• საქართველოს ხელოვნების დამსახურებული მოღვაწე