ვლადიმერ მენაბდე

დაბადების ადგილი: სოფელი ბუნებისკარი, ოზურგეთის რაიონი.

1923 წლიდან მუშაობდა თბილისის ბოტანიკური ბაღის სელექციის განყოფილებაში; 1930 წლიდან საქართველოს ცენტრალურ სელექციის სადგურში. 1938-1960წწ. იყო ბოტანიკის ინსტიტუტის დირექტორის მოადგილე სამეცნიერო დარგში, 1938 წლიდან საქართველოს მეცნიერებათა აკადემიის ბოტანიკის ინსტიტუტის კულტურული ფლორის განყოფილების დამაარსებელი და უცვლელი ხელმძღვანელი. მან გამოავლინა მარცვლოვანი კულტურების უნიკალური ფორმები. მის მიერ გამოყვანილი ხორბლის 4 და ქერის 1 ჯიში დაინერგა წარმოებაში. დაადასტურა, რომ საქართველო ხორბლის კულტურის უძველესი კერაა; შეიმუშავა ხორლის გენეზისის სქემა, სადაც სრულად ასახა ქართული ხორბლის როლი და ადგილი ამ მცენარის გაკულტურების პროცესში. ბიოლოგიის მეცნიერებათა დოქტორი(1946), პროფესორი (1950), გენეტიკოს-სელექციონერი, საქართველოს კულტურული ფლორის მკვლევარი. მიღებული აქვს სახელმწიფო ჯილდოები.

წყარო: თბილისი: ენციკლოპედია.- თბ., 2002. - გვ.658; ქართული საბჭოთა ენციკლოპედია:ტ.6.-თბ.,1983.-გვ.568

• საქართველოს მეცნიერებათა აკადემია, აკადემიკოსი (1960-)
• საქართველოს მეცნიერებათა აკადემია, წევრ-კორესპონდენტი (1950-)

• საპატიო ნიშნის ორდენი
• შრომის წითელი დროშის ორდენი

• საქართველო ხორბლის ძველი კულტურის ქვეყანაა : თბილისში წაკითხული ლექციის სტენოგრამა. - თბილისი, ლ.პ. ბერიას სახ. პოლიგრაფკომბინატი კომუნისტი, 1950. - 31გვ.