ოლეგ გველესიანი

დაბადების ადგილი: სოფელი ცხრუკვეთი, ჭიათურის რაიონი.

დაამთავრა თბილისის პუშკინის სახელობის პედაგოგიური ინსტიტუტის ქართული ფილოლოგიის ფაკულტეტი 1972 წელს; თბილისის უნივერსიტეტის ჟურნალისტიკის ფაკულტეტი 1977 წელს.

მუშობდა გაზეთ "ჭიათურის მაღაროელის" ლიტმუშაკად; გაზეთ "სოფლის ცხოვრებაში" სპეციალურ კორესპონდენტად; 30 წელი იმუშვა გაზეთ "ახალგაზრდა კომუნისტში" რიგითი ლიტმუშაკიდან გაზეთის ერთ-ერთი განყოფილების გამგის თანამდებობამდე; პარალელურად მუშაობდა გაზეთ "ქართულ ფეხბურთში" ფოტოკორესპოდენტად და თბილისის "დინამოს" სტადიონის პრესცენტრში, სადაც შეადგინა 1978-1989 წლამდე გამართულ 200-ზე მეტი საფეხბურთო მატჩის პროგრამები; 1965 წლიდან მოყოლებული მისი ლექსები რეგულარულად იბეჭდებოდა გაზეთებში: "ჭიათურის მაღაროელი", "ახალი ცხოვრება" და "ნორჩი ლენინელი"; ჟურნალებში: "პიონერი" და " "დილა"; სტუდენტობის პერიოდში დაწერილი ლექსები იბეჭდებოდა ჟურნალებში: "ცისკარი", "პირველი სხივი", "დროშა"; 1989 წელს გამომცემლობა "მერანმა" გამოსცა მისი პირველი კრებული "საძალიხევი"; კრებულში შევიდა ოთხ ციკლში გაერთიანებული ასი ლექსი; პირველი საბავშვო წიგნი "ზოოპარკი მიყიდეთ", გამოსცა გამომცემლობა "ნაკადულმა" 1991 წელს; მომდევნო წიგნი "ეს გოგონა ვისია 1992 წელს გამოსცა გამომცემლობა "სამშობლომ", 1994 წელს საქართველოს განათლების სამინისტრომ რეკომენდაცია მისცა მისი ლექსების კრებულს "ეს გოგონა ვისია", როგორც I - II  კლასებში კლასგარეშე საკითხავ წიგნს; 1999-2007წწ. იყო გაზეთ "ზაჰესის მაცნეს" მთავარი რედაქტორი; 2016 წლიდან არის გაზეთ "არაგვიანის" მთავარი რედაქტორი, ამოვდროულად მოღვაწეობს საყმაწვილო ჟურნალ "ნაკადულში"; ავტორის წიგნების ნაწილი დაიბეჭდა "ქართული საბავშვო პოეზიის ანთოლოგიაში"; მის ლექსებზე კომპოზიტორებს: ვ. აზარაშვილს, მ. დავითაშვილს, ზ. მანაგაძეს, მ. ელოშვილს და სხვებს დაწერილი აქვთ სიმღერები. ფოტოხელოვანი. 

• საქართველოს მწერალთა შემოქმედებითი კავშირი, წევრი

• საქართველოს რესპუბლიკის დამსახურებული ჟურნალისტი

• ჩემი პირველი პოეზიის ანთოლოგია (თანაავტორი). - თბილისი, ელფი, 2013. - 176გვ.
• ეს გოგონა ვისია : ლექსები (ავტორი). - თბილისი, სამშობლო, 1992. - 80გვ.
• ზოოპარკი გიყვარდეთ : ლექსები უმცრ. სასკ. ასაკის ბავშვებისათვის (ავტორი). - თბილისი, ნაკადული, 1991. - 47გვ.
• საქართველოს 1991 წლის საგაზაფხულო ჩემპიონატი : ცნობარი (შემდგენელი). - თბილისი, სამშობლოს სტ., 1991. - 62გვ.
• ზოოპარკი მიყიდეთ : ლექსები (ავტორი). - თბილისი, ნაკადული, 1991. - 47გვ.
• საძალიხევი : ლექსები (ავტორი). - თბილისი, მერანი, 1989. - 127გვ.