ვარაზ-ბაკური

ვარაზ-ბაკური იყო ქართლისა და ალბანეთის მარზპანი(მმართველი) V საუკუნის 40-იანი წლების დამდეგიდან, ბარზაბოდის ძე და ვახტანგ I გორგასლის ბიძა. მამის გარდაცვალების შემდეგ მემკვიდრეობით მიიღო მარზპანის ადგილი. ჯუანშერის ცნობით, 447 წელს ჩრდილოეთ კავკასიაში სალაშქროდ მიმავალ ვახტანგ გორგასალს ვარაზ-ბაკურმა 12000 მეომარი დაახმარა. 453-456 წლებში მან ირანის ჩრდილოეთით, ქუსტაქში შემავალი ქვეყნების ლაშქრით ვახტანგ გორგასალთან ერთად ბიზანტიის იმპერიის წინააღმდეგ გაილაშქრა. მოკლეს ბიზანტიელებთან ბრძოლაში. ვარაზ-ბაკურის ცხედარი ქართლ-ალბანეთის მარზპანთა რეზიდენციაში - ქ. ბარდავში გადაასვენეს.

 წყარო: საქართველო: ენციკლოპედია: ტ.III.–თბ., 2014.-გვ.166