ბორის კრეპსი

დაბადების ადგილი: ქ. თბილისი.

დაამთავრა სახკინმრეწვთან არსებული კინოსაოპერატორო კურსები 1931 წელს.

1930 წლიდან მუშაობდა საქართველოს "სახკინმრეწვში" მემონტაჟედ, ოპერატორის ასისტენტად. 1931 წლიდან მუშაობა დაიწყო კინოდოკუმენტალისტად. II მსოფლიო ომის დროს აშუქებდა ფრონტის ამბებს. 1935–1975წწ. საქართველოს ქრონიკალურ-დოკუმენტური და სამეცნიერო-პოპულარული ფილმების სტუდიაში ოპერატორთა ჯგუფთან ერთად გადაიღო ფილმები: "ბასკები თბილისში" (1937, რეჟ. ა. დანელიანი), "შოთა რუსთაველი" (1938, რეჟ. შ. ჩაგუნავა), "დიადი აღრიცხვა" (1939, რეჟისორები: ი. კანდელაკი, შ. მარტაშვილი), "საქართველოს ბუნების ძეგლები და ნაკრძალები" (1950, რეჟ. შ. მარტაშვილი), "ჩვენი სასახლე" (1953, რეჟ-ები: თ. აბულაძე, რ. ჩხეიძე), "ფიროსმანი" (1960, რეჟ. გ. შენგელაია), "გრიბოედოვი საქართველოში" (1966, რეჟ-ები: დ. აბაშიძე, ნ. ჟუჟუნაძე), "კიბერნეტიკა მედიცინაში" (1970, რეჟ-ები: დ. აბაშიძე, ნ. ჟუჟუნაძე) და სხვ. 1936 წლიდან მონაწილეობდა საქართველოს ალპური კლუბის ექსპედიციებში, რის შესახებაც გადაიღო ფილმები: "უშბა" (1946, რეჟ. ვ. ვალიშვილი), "ყაზბეგი" (1948, რეჟ. ვ. ვალიშვილი), "გმირული ტრავერსი" (1950, რეჟ. შ. მანაგაძე), "პამირის მწვერვალთა დამპყრობნი" (1955, ი. ამასიისკისთან ერთად, რეჟ. ზ. გუდავაძე), "მონტევიდეოს დღიური" (1962), "მყინვართა ცხოვრება" (1964, რეჟ. ო. ჭიაურელი), "ჭიდილი კლდესთან" (1965, რეჟ-ები: თ. ნოზაძე, ლ. ცინცაძე), "კლდის ვეფხვი" (1968, რეჟ. ო. გურგენიძე). აღიარებულია ქართული ალპინიზმის მემატიანედ. დამდგმელი ოპერატორია ფილმების: "სამხრეთ ოსეთი" (დოკუმენტური, 1951), "მწვერვალთ დამპყრობნი" (1952), "მიხეილ ხერგიანი"(დოკუმენტური, 1972). კინოოპერატორი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.207

• საქართველოს კინემატოგრაფისტთა შემოქმედებითი კავშირი, წევრი

• 1966 - საქართველოს ხელოვნების დამსახურებული მოღვაწე