ნატალია პაპინაშვილი

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1962 წელს.

1962-1968წწ. იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის წამყვანი სოლისტი; 1965-1967წწ. სტაჟირება გაიარა ლენინგრადის ქორეოგრაფიულ სასწავლებელში, პედაგოგი ნ. დუდინსკაია, კ. სერგეევი; სხვადასხვა დროს იყო ქ. ერევნისა და ქ. ყაზანის თეატრების საბალეტო დასის წამყვანი სოლისტი; 1988 წელს ქ. ქუთაისის თეატრის ბალეტმაისტერ-რეპეტიტორი; 1988-1990წწ. სანქტ-პეტერბურგის ცეკვის აკადემიაში მიიღო პედაგოგის კვალიფიკაცია, ხელმძღვანელი ი. ტროფიმოვა; 1990 წლიდან ეწევა პედაგოგიურ მოღვაწეობას აშშ-ში (1990-1992), ჰოლანდიაში (1993), გერმანიაში (1995), კანადაში (1999); პარალელურად 1990 წლიდან დღემდე ქ. ოსლოში (ნორვეგია) "ბარდერ დანს აკადემიის" პედაგოგი; მოწაფეები: ე. გლურჯიძე, რ. რეფლინგი, ს. კრაალი, ტ. კარტერი; ქართული რეპერტუარი: ჯავარა (დ. თორაძე "გორდა"), თამარი (ს. ცინცაძე "დემონი"), შველი (ბ. კვერნაძე "ქორეოგრაფიული ნოველები"); სხვა რეპერტუარი: რიჩი (გერშვინი "რაფსოდია-ბლუზი"), ჩელიტა, ჰამზათი (მინკუსი "დონ კიხოტი", "ბაიადერა"), ჟიზელი (ადანი "ჟიზელი"), ოდეტა-ოდილია (ჩაიკოვსკი "გედების ტბა"), კოპელია (დელიბი "კოპელია"), პასკუალა (კრეინი "ლაურენსია"), სარი (ყარა-ყარაევი "ქუხილის ბილიკით"); გასტროლები: რუსეთი, პოლონეთი, უნგრეთი, იაპონია. მიღებული აქვს ს. დიაგილევის სახელობის დიპლომი (რუსეთი, 1997).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 387

• 1980 - საქართველოს დამსახურებული არტისტი