პეტრე გელათელი

ბიოგრაფიული ცნობებიდან ცნობილია მხოლოდ ის, რომ მოღვაწეობდა გელათში; ანტონ I კათოლიკოსის სიტყვებით იყო ფილოსოფოსი, რიტორი, ღვთისმეტყველი; მისი პოეტური, სასულიერო ნაწერებიდან ჩვენამდე მოღწეულია იამბიკო "ღვთისმშობლის პატივად", 24 იამბიკო გრიგოლ ღვთისმეტყველისა; ერთ იამბიკოში შექებულია იოანე პეტრიწი, ერთში - "კლემაქსის" ავტორი, იოანე სინელი; იამბიკოები ჩართულია "კლემაქსის" პეტრიწისეულ პროზაულ თარგმანში (XIII საუკუნის ხელნაწერი); ანტონ I კათალიკოსის აზრით "სტიხნი პეტრესნი" ჰგვანან იეზეკიელის, იოანე ფილოსოფოსისა და ეფრემ ქართველთა მნათობის ლექსებს "და ესეც კმა ქებადო"; თხზულება: ძველი ქართული ლიტერატურის ქრესტომათია, შედგენილი ს. ყუბანეიშვილის მიერ (ტომი 1, თბილისი 1946); პეტრე გელათელი იყო XII საუკუნის ქართველი ჰიმნოგრაფი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 389; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ. 83