ზურაბ ზედგინიძე

ერეკლე II-ის თანამებრძოლი XVIII ს. 50-იან წლებში. 1752 წლის აპრილში განჯასთან ქართველთა დამარცხების შედეგ შაქის მმართველი აჯი ჩალაბი თბილისზე აპირებდა გალაშქრებას. ერეკლე II საგანგებო სამზადისს შეუდგა: ზ. ზედგენიძე იმიერკავკასიაში, დიდ ჩერქეზეთში გაგზავნა ჯარის დასაქირავებლად, თბილისისა და მისი სანახების დასაცავად კი მოქალაქეთა 3-ათასიანი კარგად აღჭურვილი საგანგებო რაზმი შექმნა, სამეფო ხაზინის ოქრო-ვერცხლი გადაადნობინა და ფული მოაჭრევინა დაქირავებულთა გასასტუმრებლად. მან დავალება წარმატებით შეასრულა. 1752 წლის 1 სექტემბერს თულქითეფესთან ბრძოლაში (ყაზახ-შამშადილის საზღვარზე) ქართველებმა ერთიანად გაჟლიტეს აჯი ჩალაბის ჯარი. ამ გამარჯვებაში მას მნიშვნელოვანი წვლილი მიუძღვოდა.

წყარო: თბილისი: ენციკლოპედია.- თბ., 2002. - გვ.648