ლევან III დადიანი

1661-1680წწ. ოდიშის მთავარი, ლევან დადიანის ძმის იესეს ძე; თავდაპირველად შამადავლე ერქვა; ტახტზე ავიდა ქართლის მეფის ვახტანგ V -ის დახმარებით და თავისი ბიძის პატივსაცემად ლევანი დაირქვა; ცოლად ჰყავდა ვახტანგ V-ის დისწული თამარი; 1663 წელს ლევან III თავს დაესხა იმერეთის მეფეს ბაგრატ IV-ს, მაგრამ დამარცხდა; ბაგრატ IV-მ მას წაართვა მეუღლე და თვითონ შეირთო; ეს ფაქტი გახდა მათ შორის შეურიგებელი ბრძოლის მიზეზი; 1672 წელს ოდიშის სამთავროს შეესივნენ ოსმალები, რომლებიც მიზნად ისახავდნენ ლევან III -ის ტახტიდან ჩამოგდებას და მის ნაცვლად თავიანთი კაცის მთავრად დასმას; ლევან III რუხის ციხეში ჩაიკეტა და ოსმალებმა მისი აღება ვერ მოახერხეს.

წყარო: ქართული საბჭოთა ენციკლოპედია: ტ. 6.-თბ., 1983.-გვ.157; საქართველო: ენციკლოპედია: ტ.5. -თბ.,2023. -გვ.320