ლევან IV დადიანი

1683-1691წწ. ოდიშის მთავარი, ლევან III დადიანის უკანონო ვაჟი; ტახტზე აიყვანა ოდიშის ფაქტობრივმა გამგებელმა გიორგი ლიპარტიანმა (იხ. გიორგი IV დადიანი). 1691 წელს სტამბოლს გაემგზავრა, სადაც გარდაიცვალა. ლევან IV იყო დადიანთა გვარეულობის უკანასკნელი წარმომადგენელი ოდიშის სამთავრო ტახტზე. მის შემდეგ დადიანობა გადავიდა ჩიქვანთა (ჩიქოვანთა) საგვარეულოს ხელში.

წყარო: ქართული საბჭოთა ენციკლოპედია: ტ. 6.-თბ., 1983.-გვ.157; საქართველო: ენციკლოპედია: ტ.5. -თბ.,2023. -გვ.320