გივი მეტრეველი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1966 წელს.

1966 წლიდან მუშაობდა სახელმწიფო საპროექტო ინსტიტუტ "თბილქალაქპროექტში" არქიტექტორად, უფროს არქიტექტორად; ძირითადი ნამუშევრები: "საჭაშნიკე", მაღაზია მ. კოსტავას ქუჩაზე (1972; რ. კიკნაძესთან, ვ. ქურთიშვილსა და თ. მიქაშავიძესთან ერთად); "დინამოს" საწვრთნელი ბაზა დიღომში (1976; ავტორთა ჯგუფთან ერთად); საცხოვრებელი სახლები და სასტუმრო რუსთავში (ავტორთა ჯგუფთან ერთად); ევანგელიკურ-ლუთერანული ეკლესია და გერმანული თემის სახლი ჩუღურეთში (1997) და სხვა. იყო "საქქალაქმშენპროექტის" მთავარი არქიტექტორი, 1991-2000წწ. "თბილქალაქპროექტის" დირექტორი. მიღებული აქვს სსრკ მინისტრთა საბჭოს (1979) და საქართველოს სსრ მინისტრთა საბჭოს პრემიები.

წყარო: თბილისი: ენციკლოპედია.- თბ., 2002. - გვ.666; საქართველოს არქიტექტორთა და მშენებელთა ენციკლოპედია. -თბ., 2017.-გვ.400-401

• აღმოსავლეთის ქვეყნების არქიტექტურის საერთაშორისო აკადემია, წევრ-კორესპონდენტი (1993-)
• საქართველოს არქიტექტორთა კავშირი, წევრი

• 1986 - საქართველოს დამსახურებული არქიტექტორი