ლეონ I

აფხაზეთის მემკვიდრეობითი ერისთავი დაახლოებით 720/30-740, ბიზანტიის იმპერატორის ვასალი. მის დროს საქართველოს შემოესია არაბთა სარდალი მურვან ყრუ, რომელმაც მოაოხრა ცხუმი და აფხაზეთის სხვა ადგილები. ჯუანშერის ცნობით, ლეონ I-მა და ქართლის ერისმთავარმა არჩილმა მშვიდობისა და მეგობრობის კავშირი შეკრეს, რომელიც განამტკიცა ლეონ I-ის მიერ არჩილის ძმის (მირის) ასულის (გურანდუხტი) შერთვამ.

წყარო: ქართული საბჭოთა ენციკლოპედია: ტ. 6.-თბ., 1983.-გვ.191; საქართველო: ენციკლოპედია: ტ.5. -თბ.,2023. -გვ.336