ლეონიდე (საქართველოს კათოლიკოს-პატრიარქი)

დაბადების ადგილი: სოფელი დისევი, გორის მაზრა (ახლანდელი ერედვის მუნიციპალიტეტი).

დაამთავრა კიევის სასულიერო აკადემია 1888 წელს.

1888-1897წწ. იყო მისიონერი, კავკასიაში მართლმადიდებლური ქრისტიანობის აღმდგენი საზოგადოებრივი სკოლების ინსპექტორი, საქართველოს საეპარქიო სასწავლებელთა საბჭოს წევრი; ზედაზნის, ხირსის, იოანე ნათლისმცემლის მონასტერთა ზედამხედველი; ქართული ბიბლიის გამსწორებელი კომიტეტის თავმჯდომარე და საქართველო-იმერეთის სინოდის კანტორის წევრი. 1918 წლიდან გორის, იმერეთისა და გურია-სამეგრელოს ეპისკოპოსი, თბილისის მიტროპოლიტი, საქართველოს კათალიკოს-პატრიარქი (1918-1921). რამდენიმე ნაშრომი აქვს დაბეჭდილი: "ორი სიტყვა დიდებულის საქართველოს მეფის ერეკლე მეორის გარდაცვალებიდან ასი წლის შესრულების გამო", 1898 წელს; მელიტონ კალენჯერიძესთან ერთად: "წმ. ნინოს დღეობა და მისი მნიშვნელობა", 1912 წელს; "სიტყვანი და მოძღვრებანი", ტ. I, 1914 წ.; "სიტყვა წმ. თამარ მეფის დღეს 1 მაისს", 1915 წ. და სხვ. იგი იყო ალექსანდრე ეპისკოპოსის ძმისწული და მისი აღზრდილი. დიდხანს მუშაობდა საინგილოსა და ჯავახეთში, განსაკუთრებით გამაჰმადიანებულ ქართველთა შორის.

წყარო: ქართული საბჭოთა ენციკლოპედია: ტ. 6.-თბ., 1983.-გვ.193; საქართველოს საპატრიარქო: patriarchate.ge; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.83-84; საქართველო: ენციკლოპედია: ტ.5. -თბ.,2023. -გვ.338

• წერილი ეკლესიის სახელმწიფოსაგან გამოყოფის შესახებ (ავტორი). - თბილისი, 2005. - 12გვ.
• სიტყვანი და მოძღვრებანი (ავტორი). - ფოთი, ლ.მ. ტუღუშის სტ., 1914. - 285გვ.
• წმ. ნინოს დღეობა და მისი მნიშვნელობა : ორი სიტყვა, თქმული ფოთის საკრებულო ტაძარში 14 იანვარს 1912 წ. ეპისკოპოს ლეონიდესაგან (ავტორი). - ქუთაისი, ჟურნალ "შინაური საქმეების" რედაქციის გამოცემა N10, (სტ. "ძმობა"), 1912. - 30გვ.
• ორი სიტყვა დიდებულის საქართველოს მეფის ერეკლე მეორის გარდაცვალებიდან ასი წლის შესრულების გამო (ავტორი). - ტფილისი, მ. შარაძის სტ., 1898. - 18 გვ.